ავსტრიის კანცლერი კარლ ნეჰამერი, რომელიც რუსეთის პრეზიდენტს პირადად შეხვდა, აცხადებს, რომ ვლადიმერ პუტინი „საკუთარ სამყაროშია და ომის საკუთარი ლოგიკა აქვს“.

როგორც ავსტრიის მთავრობის მეთაურმა ამერიკულ ტელეკომპანია NBC-სთან ინტერვიუში განაცხადა, მისი მოსკოვში ჩასვლის მიზანი იყო პუტინისთვის პირადად ეთქვა, ის, თუ რა ხდება უკრაინის ქალაქებში, 

„ერთი მხრივ, პუტინმა მითხრა, რომ ის ითანამშრომლებს საერთაშორისო გამოძიებასთან, ხოლო მეორე მხრივ თქვა, რომ ის დასავლეთს არ ენდობა. ეს სამომავლოდ იქნება დიდი პრობლემა.

პუტინი თვლის, რომ ომი აუცილებელია რუსეთისთვის უსაფრთხოების გარანტიების უზრუნველსაყოფად. ის არ ენდობა საერთაშორისო საზოგადოებას. ის დონბასის რეგიონში გენოციდში უკრაინელებს ადანაშაულებს. ის ახლა თავის სამყაროშია, თუმცა ვფიქრობ, იცის რაც ხდება.

პუტინს სჯერა, რომ ის ომს იგებს, მაგრამ ჩვენი საუბრის დასასრულს პუტინმა გერმანულად მითხრა, რომ ჯობია ომი დასრულდეს ადრე, ვიდრე გვიან. ამიტომ, ვფიქრობ ის აცნობიერებს, რა ხდება ახლა უკრაინაში. ამიტომ, ჩვენ უნდა ჩავხედოთ მას თვალებში და დავუპირისპიროთ ის რეალობა, რომელსაც ჩვენ ვხედავთ“, - განაცხადა კარლ ნეჰამერმა.

ცნობისთვის, კარლ ნეჰამერი იყო პირველი დასავლელი ლიდერი, ვინც რამდენიმე დღის წინ პირადად შეხვდა რუსეთის პრეზიდენტს მოსკოვში.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს