უკრაინის სახალხო დამცველის, ლუდმილა დენისოვას ცნობით, ხერსონში ე.წ. რეფერენდუმის ჩატარება პირველიდან ათ მაისამდეა დაგეგმილი. მისი თქმით, ე.წ. რეფერენდუმისთვის ბიულეტენთა ბეჭდვა დაწყებულია.

"რაშისტები არ ამბობენ უარს განზრახვაზე, შექმნან ე.წ. ხერსონის რესპუბლიკა. რისთვისაც იყენებენ ლუგანსკსა და დონეცკში ნაცად სქემას - ფსევდორეფენდუმს, რომლებიც ემსახურებოდა არა ხალხის ნების გამოვლენას, არამედ ყალბი სურათის შექმნას რუსული მედიისთვის. თვითმხილველების ინფორმაციით, ქალაქ ნოვა კახოვკას სტამბაში იბეჭდება ბიულეტენები "რეფერენდუმის"  ჩასატარებლად. როგორც ჩანს, "კენჭისყრის" შედეგების შესახებ ყველა ოქმი წინასწარ მომზადდება და რეგიონულ ცენტრებს მიეწოდება". - თქვა დენისოვმა.

მისი ინფორმაციით, ე.წ. რეფერენდუმის დღეს ხერსონის ჩაკეტვა და ყველანაირი კომუნიკაციის შეზღუდვა იგეგმება. 

"ოკუპანტებს ე.წ. რეფერენდუმის ჩატარება გაუჭირდებათ, რადგან რაშისტების მიერ იარაღით მუქარისა და აქციის ძალადობრივად დარბევის მიუხედავად, ხერსონის გმირი მოსახლეობა აგრძელებს პროტესტს, მოწოდებით - "ხერსონი უკრაინაა". - წერს უკრაინის სახალხო დამცველი. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს