რუსეთის ჯარები ემზადებიან უახლოეს დღეებში აღმოსავლეთ უკრაინაში ფართომასშტაბიანი შეტევისთვის. ოკუპანტებმა შესაძლოა დონბასის აღება უახლოეს 10 დღეში სცადონ, - ამის შესახებ CNN წერს.

გამოცემის თანახმად, საფრანგეთის სამხედრო შტაბის ოფიციალურმა წარმომადგენელმა, პოლკოვნის პასკალ ლანმა განაცხადა, რომ რუსული ჯარები აპირებენ დონეცკისას და ლუგანსკის რეგიონების აღებას ან თუნდაც დნეპრისკენ წინსვლას.

„მომდევნო რამდენიმე დღის განმავლობაში, შესაძლოა, დაახლოებით 10 დღის ვადაში, რუსეთმა განაახლოს ძალისხმევა აღმოსავლეთ და სამხრეთ უკრაინაში, დონეცკისა და ლუგანსკის რეგიონების დასაპყრობად. მათ შესაძლოა დნეპრისკენაც მიიწიონ, თუ ეს შესაძლებელი გახდება“, - განაცხადა ლანმა.

მისი თქმით, რუსული ჯარები ახორციელებენ საჰაერო დაბომბვეს არა მხოლოდ „უკრაინის თავდაცვის სისტემის თანმიმდევრულობის შესუსტების, არამედ უკრაინის ლოჯისტიკური მოძრაობისა და პოტენციალის ჩამოშლის მიზნით“, რაც ხსნის გზას, რომ დნეპროს აეროპორტი სრულად განადგურდეს.

მან ასევე აღნიშნა, რომ „ამ ეტაპზე, აღმოსავლეთ ფრონტზე რუსული ჯარების ტერიტორიული მიღწევების კუთხით, მნიშვნელოვანი წინსვლა არ მომხდარა“.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს