კასპის მუნიციპალიტეტში გამწვანების აქცია გაიმართა

2022-04-07 17:00:25, 1823 ნახვა

რეგიონი

კასპის მუნიციპალიტეტში გამწვანების მორიგი აქცია გაიმართა. - ამის შესახებ ინფორმაციას კასპის მუნიციპალიტეტის მერია ავრცელებს.

მათივე ცნობით, მუნიციპალიტეტს ნერგები ბუნების მკვლევართა კავშირმა „ორქისმა“ გადასცა.

ფიჭვის, ტუიას, კიპაროსის, ნეკერჩხლის ნერგები კასპის #4, #5 საბავშვო ბაღებს, სოფელ ხოვლეს და ქვემო გომის საჯარო სკოლებს გადაეცათ.

„აქციას შეუერთდა კასპის მუნიციპალიტეტის მერი ვახტანგ მაისურაძე, მერის მოადგილე ზურაბ კოპაძე, საკრებულოს თავმჯდომარე შოთა ბეგლარაშვილი, კასპის #3 საჯარო სკოლის ეკოკლუბი ,,ლორაქსი"- და სოფელ ხოვლეს სჯარო სკოლის პროექტის „ხელი შევუშალოთ გაუდაბნოება“ წევრები.

ბუნების მკვლევართა კავშირი „ორქისი“ და კასპის მუნიციპალიტეტის მერია მეხუთე წელია აქტიურად თანამშრომლობენ.

კასპის მუნიციპალიტეტის მერია მადლობას უხდის „ორქისის“ ხელმძღვანელებს და აქციის მონაწილეებს ჯანსაღი გარემოს შექმნაში აქტიური დახმარებისთვის.“ - ნათქვამია ინფორმაციაში.