„დიდი შვიდეულის“ ქვეყნები უკრაინაში მიმდინარე საომარ მოქმედებებთან დაკავშირებით ერთობლივ განცხადებას ავრცელებენ და აღნიშნავენ, რომ რუსი ოკუპანტები უკრაინული მოსახლეობის მიმართ წამების, სიკვდილით დასჯისა და სექსუალური ძალადობის ქმედებებს ახორციელებენ.

G7-ის ქვეყნებმა აღნიშნული განცხადება მას შემდეგ გაავრცელეს, რაც უკრაინელ კოლეგას, დმიტრო კულებას შეხვდნენ.

განცხადებაში აღნიშნულია, რომ ქალაქ ბუჩაში და უკრაინის სხვა რაიონებში, რომლებიც რუსეთს ჰქონდა ოკუპირებული, მშვიდობინი მოსახლეობის ხოცვა-ჟლეტა საერთაშორისო სამართლის მძიმე დარღვევად იქნა შეფასებული.

ამასთანავე, G7-ის ქვეყნები აღნიშნავენ, რომ მზად არიან უკრაინის შეიარაღებულ ძალებს მეტი ფულადი და სამხედრო დახმარება გაუწიონ, რათა ქვეყანამ შეძლოს თავის დაცვა.

შეგახსენებთ, რომ რუსმა ოკუპანტებმა უკრაინის ქალაქ ბუჩაში გენოციდი მოაწყვეს. 1-ელ აპრილს, მას შემდეგ რაც ქალაქი ოკუპანტებისგან გაათავისუფლეს, უკრაინელმა სამხედროებმა იქ მოკლული ადამიანების ცხედრები იპოვეს. გარდა ამისა, ზოგიერთ ცხედარს აღენიშნებოდა წამების კვალი.

ცნობისთვის, „დიდი შვიდეულის“ ქვეყნების შემადგენლობაში შედიან: კანადა, საფრანგეთი, გერმანია, იტალია, იაპონია, დიდი ბრიტანეთი და აშშ. ორგანიზაციის წევრი იყო რუსეთიც, თუმცა 2014 წელს ყირიმის ანექსიის შემდეგ წევრმა სახელმწიფოებმა გარიცხეს.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს