უკრაინის საგარეო საქმეთა მინისტრი დმიტრო კულება ნატო-ს წევრ ქვეყნებს მოუწოდებს, მიაწოდონ ყველა საჭირო იარაღი რუსეთის არმიის დასამარცხებლად.

ამის შესახებ დმიტრო კულებამ ნატო-ს გენერალურ მდივანთან, იენს სტოლტენბერგთან ბრიუსელში შეხვედრის შემდეგ, ერთობლივ პრესკონფერენციაზე განაცხადა.

„მე ჩამოვედი ბრიუსელში ნატო-ს მინისტერიალში მონაწილეობის მისაღებად და ორმხრივი შეხვედრების გასამართად მოკავშირეებთან. ჩემი დღის წესრიგი ძალიან მარტივია - მაქვს მხოლოდ სამი პუნქტი - იარაღი, იარაღი და იარაღი.

დარწმუნებული ვართ, რომ უკრაინის დასახმარებლად საუკეთესო გზაა უზრუნველყოფილი იყოს ყველაფერი, რაც საჭიროა პუტინის შესაკავებლად და რუსული არმიის დასამარცხებლად, რათა უკრაინის ტერიტორიაზე ომი არ გავრცელდეს“, - განაცხადა დმიტრო კულებამ.

დმიტრო კულებამ დასძინა, რომ ბოლო კვირებში უკრაინის არმიამ და მოსახლეობამ აჩვენა, რომ იციან როგორ იბრძოლონ, გაიმარჯვონ, თუმცა ყველა სახის იარაღის მუდმივი და საკმარისი მარაგის გარეშე, რასაც უკრაინული მხარე ითხოვს, გამარჯებას თან უზარმაზარი მსხვერპლი ახლავს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს