2022-04-06 13:05:35, 1149 ნახვა
საზოგადოება
ლანჩხუთის მუნიციპალიტეტში, სადრენაჟე არხებზე გაწმენდითი სამუშაოები მიმდინარეობს
შპს „საქართველოს მელიორაცია“, საირიგაციო და სადრენაჟე სისტემების მოწესრიგების სამუშაოების ფარგლებში, ლანჩხუთის მუნიციპალიტეტში, სოფელ ნინოშვილში, დედაბერა-ნიგვზიანის დამშრობი მასივის საექსპლუატაციო ღონისძიებებს ახორციელებს. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
უწყების ცნობით, ხე-ბუჩქნარისა და ნატანი მასისგან 4 კილომეტრი სიგრძის სადრენაჟე არხები იწმინდება.
ჩატარებული სამუშაოების შედეგად, 15 ჰექტარ სასოფლო-სამეურნეო დანიშნულების მიწის ფართობზე სადრენაჟე მომსახურება აღდგება, რაც სასოფლო-სამეურნეო კულტურების წარმოების გაზრდას შეუწყობს ხელს.
დამშრობ მასივზე მიმდინარე სამუშაოები აპრილის შუა რიცხვებში დასრულდება.
ავტორი: NS (სტატია დაფინანსებულია),
epn.ge (@expressnews.ge)
