გარემოს დაცვისა და სოფლის მეურნეობის მინისტრი ოთარ შამუგია, სამეგრელო-ზემო სვანეთის მხარის რწმუნებულ გიორგი გუგუჩიასთან და შპს საქართველოს მელიორაციის გენერალურ დირექტორ თენგიზ ნასარიძესთან ერთად, ხობის მუნიციპალიტეტში, ჭალადიდის დამშრობი მასივის მოწესრიგების სამუშაოებს გაეცნო და ადგილობრივ ფერმერებს შეხვდა. 

სოფელ ჭალადიდში,  ხე-მცენარეებისა და ნატანი მასისაგან  4,2 კილომეტრი სიგრძის კოლექტორული არხები იწმინდება. ჩატარებული სამუშაოები კოლექტორში წყლის შეუფერხებლად გადინებას შეუწყობს ხელს, შედეგად, 1050 ჰექტარამდე სასოფლო-სამეურნეო დანიშნულების მიწის ფართობისა და საკარმიდამო ეზოების   დატბორვის საფრთხე აღარ იარსებებს.

„სამელიორაციო ინფრასტრუქტურის განვითარება არის ერთ-ერთი უმნიშვნელოვანესი საკითხი, რათა ხელი შევუწყოთ ქვეყანაში სოფლის მეურნეობის პროდუქციის წარმოებას. ბოლო წლების განმავლობაში, სახელმწიფო და დონორი ორგანიზაციების მიერ, დაახლოეობით, 500 მლნ ლარია ამ მიმართულებით დახარჯული. ხობის მუნიციპალიტეტში სადრენაჟე სისტემების მოწესრიგების სამუშაოები დავათვალიერეთ. სადრენაჟე სისტემის მოწესრიგების მასშტაბური სამუშაოების შედეგად, დასავლეთ საქართველოში, შესაძლებელი გახდება ძალიან დიდი ფართობები მოექცეს ეკონომიკურ ბრუნვაში და ისინი სასოფლო-სამეურნეო პროდუქციის წარმოებისთვის იქნას გამოყენებული“, -განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ.

აღსანიშნავია, რომ სამეგრელო-ზემო სვანეთის რეგიონში, 2012 წლიდან დღემდე,  სამელიორაციო ინფრასტრუქტურის 47 სარეაბილიტაციო პროექტი განხორციელდა. სამუშაოების ჯამური ღირებულება 11 მლნ ლარია. განხორციელებული სამუშაოების შედეგად,  რეგიონში, დამატებით, 22 ათას ჰექტარზე მეტი ფართობი შესაძლებელია გამოყენებული იყოს სასოფლო-სამეურნეო დანიშნულებით.

ავტორი: NS (სტატია დაფინანსებულია),

სოციალური ქსელები

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა

შპს "მდინარაძის საკონსულტაციო ჯგუფი" - მამუკა მდინარაძე ბიზნესში მიდის

საქართველოს ბანკის მხარდაჭერით მონოლით ჯგუფი Monolith New Depo-ს პროექტს ახორციელებს