აშშ-მა და ევროკავშირის რამდენიმე ქვეყანამ რუსეთის საერთაშორისო იზოლაციის მიზნით, ბელარუსისა და რუსეთის წინააღმდეგ დამატებითი სანქციების დაწესება განიხილეს. - ამის შესახებ სახელმწიფო დეპარტამენტის პრესსამსახურის ხელმძღვანელმა ნედ პრაისმა განაცხადა, იუწყება ამერიკის ხმა.

"მხარეები შეთანხმდნენ, გააგრძელონ კოორდინირებული ძალისხმევა რუსეთის ფედერაციის მსოფლიო ასპარეზზე იზოლაციისთვის“, - ნათქვამია განცხადებაში.

განხილვაში საფრანგეთის, იტალიის, გერმანიის საგარეო საქმეთა სამინისტროების გენერალური მდივნები და ბრიტანეთის საგარეო საქმეთა მინისტრის მოადგილე ჯეიმს კლევერლი მონაწილებდნენ.

გარდა ამისა, მხარეებმა ხაზი გაუსვეს უკრაინაში ჰუმანიტარული მდგომარეობის გაუარესებას.

„ჯგუფმა განიხილა მომდევნო ნაბიჯები რუსეთის ფედერაციისა და ბელარუსიის წინააღმდეგ, უკრაინაში დაწყებული ომის გამო, შეხვედრაზე ასევე,  ყველა ქვეყნის, მათ შორის ჩინეთის , რუსეთისთვის მატერიალური მხარდაჭერისგან თავის შეკავების აუცილებლობას გაესვა ხაზი“, - ნათქვამია განცხადებაში.

შერმანმა ასევე დაადასტურა აშშ-ს მხარდაჭერა უკრაინისადმი დიპლომატიური ძალისხმევისთვის ცეცხლის შეწყვეტის მისაღწევად.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს