მთაწმინდაზე,  დ. ჭონქაძის ქ. N8-ში, საცხოვრებელი სახლის კაპიტალური გამაგრება მიმდინარეობს. შენობა, რომელიც კულტურული მემკვიდრეობის ძეგლია,  „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში გამაგრდება. - აღნიშნულის შესახებ ინფორმაციას თბილისის მერია ავრცელებს.

უწყების ცნობით, პროექტით გათვალისწინებულია შენობის კონსტრუქციული ელემენტების - საძირკველისა და მზიდი კედლების არმირება და ბეტონირება, ასევე, ფანჯრების ღიობების მოჩარჩოება. 

მიმდინარე სამუშაო პროცესს, მთაწმინდის რაიონის გამგებელი, დავით კირკიტაძე და თბილისის საკრებულოს მთაწმინდის რაიონის მაჟორიტარი დეპუტატი, ზურაბ აბაშიძე გაეცნენ.

„იქიდან გამომდინარე, რომ მთაწმინდის რაიონში ბევრი ავარიული სახლია, ჩვენ მაქსიმალურად ვცდილობთ მსგავსი პროექტები ინტენსიურად განვახორციელოთ და ბინათმესაკუთრეთა ამხანაგობების განვითარების ხელშეწყობის პროგრამის ფარგლებში დავეხმაროთ ადგილობრივ მცხოვრებლებს. აღნიშნულ სახლში ცხრა ოჯახი ცხოვრობს. პროექტის დასრულების შემდეგ, მათი საცხოვრებელი პირობები საგრძნობლად გაუმჯობესდება“, - განაცხადა დავით კირკიტაძემ.

სამუშაოების განხორციელებისთვის გამგეობის ბიუჯეტიდან 405 950  ლარი დაიხარჯება.

ავტორი: NS (სტატია დაფინანსებულია),

სოციალური ქსელები

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა

შპს "მდინარაძის საკონსულტაციო ჯგუფი" - მამუკა მდინარაძე ბიზნესში მიდის

საქართველოს ბანკის მხარდაჭერით მონოლით ჯგუფი Monolith New Depo-ს პროექტს ახორციელებს