ხერსონი ჰუმანიტარულ კატასტროფას უახლოვდება. - ამის შესახებ, საგარეო საქმეთა სამინისტროს ვებგვერდი იტყობინება. დეპარტამენტში აღნიშნავენ, რომ რუსი დამპყრობლები აწყობენ რეპრესიებს ქალაქის მცხოვრებთა წინააღმდეგ. კერძოდ, 21 მარტს თავისუფლების მოედანზე მშვიდობიანი აქციის მონაწილეებს ცეცხლი გაუხსნეს, რის შედეგადაც მოხუცი დაშავდა. სამოქალაქო წინააღმდეგობის ჩახშობის მცდელობის ფონზე, რუსეთის საოკუპაციო ადმინისტრაცია ცდილობს შექმნას საოკუპაციო თვითმმართველობის ორგანოები.

„ჰუმანიტარული მდგომარეობა სწრაფად უარესდება. ქალაქში ბლოკადის გამო საკვებისა და მედიკამენტების კრიტიკული დეფიციტია. განსაკუთრებული რისკის ქვეშ არიან ახალშობილები, რომლებსაც არ აქვთ ბავშვთა საკვები და ჰიგიენური საშუალებები, ასევე მძიმედ დაავადებულები. ასამდე უცხოელი სტუდენტი ხერსონში, ძირითადად აფრიკის ქვეყნებიდან“, - ნათქვამია განცხადებაში.

უკრაინის მთავრობისა და საერთაშორისო ჰუმანიტარული ორგანიზაციების ძალისხმევის მიუხედავად, რუსეთის ფედერაცია ჯერჯერობით უარს ამბობს ჰუმანიტარული დერეფნის შექმნაზე მშვიდობიანი მოსახლეობის ევაკუაციისა და საკვების მიწოდებისთვის.

საგარეო საქმეთა სამინისტრომ მოუწოდა საერთაშორისო საზოგადოებას გადამწყვეტი მოქმედებისკენ რუსეთის წინააღმდეგ, კერძოდ, შემოიღოს ახალი მტკივნეული ეკონომიკური სანქციები, რათა აიძულოს იგი მოხსნას ხერსონისა და უკრაინის სხვა ქალაქების ბლოკადა, შექმნას პირობები უკრაინელი და უცხოელი მოქალაქეების უსაფრთხო გასასვლელად.

ავტორი: ექსპრესნიუსი,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა