21 მარტს, ევროკომისარმა, ოლივერ ვარგეიმ განაცხადა, რომ ევროკომისია, რაც შეიძლება მალე მოამზადებს ოფიციალურ დასკვნას უკრაინის მზადყოფნის შესახებ ევროკავშირის წევრობის კანდიდატის სტატუსის მისაღებად.

„ევროკავშირი აგრძელებს უკრაინისა და მისი ხალხის მხარდაჭერას დახმარების გაწევით. ჩვენ დავიწყეთ მუშაობა უკრაინის წევრობის განაცხადის შესახებ დასკვნის მიწოდებაზე. ვიმუშავებთ რაც შეიძლება სწრაფად“, - წერს ოლივერ ვარგეი.

ცნობისთბის, 28 თებერვალს, უკრაინის პრეზიდენტმა, ვოლოდიმირ ზელენსკიმ განცხადებას უკრაინის ევროკავშირში გაწევრიანების შესახებ ხელი მოაწერა.

1 მარტს ევროპარლამენტმა მხარი დაუჭირა რეზოლუციას უკრაინას ევროკავშირში გაწევრიანების კანდიდატი ქვეყნის სტატუსის მინიჭების შესახებ. ახლა, ეს რეზოლუცია გადაეცემა ევროკავშირის ინსტიტუტებს, რომლებსაც უფლება აქვთ მიიღონ შესაბამისი გადაწყვეტილებები. დოკუმენტი, ასევე, გმობს რუსეთის აგრესიას უკრაინის წინააღმდეგ. თვითონ რეზოლუცია კი,  საკონსულტაციო ხასიათისაა.

ავტორი: ექსპრესნიუსი,

სოციალური ქსელები

შეიძინეთ RKENA-ს ბილეთები საქართველოს ბანკის ნებისმიერი ბარათით და ისარგებლეთ 20%იანი ფასდაკლებით

„თეგეტა“ და „გალფი“ ერთიან საავტომობილო ეკოსისტემას ქმნიან - კომპანიებმა თანამშრომლობის მემორანდუმი გააფორმეს

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა