„10 მარტის დილის 11 საათისთვის, უკრაინაში რუსეთის შემოჭრის დაწყებიდან, 71 ბავშვი დაიღუპა და 100-ზე მეტი ბავშვი დაშავდა“, - ამის შესახებ ინფორმაციას უკრაინის სახალხო დამცველი, ლუდმილა დენისოვა სოციალურ ქსელში ავრცელებს.

იგი კიდევ ერთხელ მოუწოდებს ნატო-ს ქვეყნებს, უკრაინის თავზე ცა დახურონ.

მისი განცხადებით, „რუსეთის სამხედრო შეჭრისთვის, რუსი ბოევიკების სისასტიკისთვის და ჟენევის ყველა კონვენციის დარღვევისთვის, უკრაინა გადაჭარბებულ ფასს იხდის - თავისი შვილების სიცოცხლეს, ჩვენი ხალხის მომავალს“.

„2022 წლის 10 მარტის დილის 11 საათისთვის, უკრაინაში რუსეთის შემოჭრის დაწყებიდან, 71 ბავშვი დაიღუპა და 100-ზე მეტი ბავშვი დაშავდა.
ჟიტომირის ოლქის ქალაქ მალინში, საჰაერო დარტყმის შედეგად დაინგრა 7 კერძო სახლი, დაიღუპა ხუთი ადამიანი, მათ შორის სამი ბავშვი (ხუთი წლის გოგონა და ორი შვილი 2021 წელს დაბადებული).
ხარკოვის რაიონის სოფელ ჟუკოვსკის ბაზრობის დაბომბვისას 16 წლის ბიჭი დაიღუპა.
ხარკოვის ოლქის იზიუმის რაიონის სოფელ სლობოჟანსკეში ღამით, საარტილერიო დაბომბვის შედეგად, მტრის ჭურვი კერძო სახლს მოხვდა. ნანგრევების ქვეშ 4 ადამიანი დაიღუპა: 2 ქალი და 2 ბავშვი, 5 წლის გოგონამ გადარჩენა მოახერხა.
კიევის ოლქის ქალაქ ირპინში, მძიმედ დაიჭრა 10 წლის გოგონა, რომელიც ამ დროისთვის მძიმე მდგომარეობაშია საავადმყოფოში.
უკრაინაში რუსეთის სამხედრო შეჭრისთვის, რუსი ბოევიკების სისასტიკისთვის და ჟენევის ყველა კონვენციის დარღვევისთვის, უკრაინა გადაჭარბებულ ფასს იხდის - თავისი შვილების სიცოცხლეს, ჩვენი ხალხის მომავალს.
მე დაჟინებით მოვითხოვ, ნატოს ქვეყნები დაეხმარეთ რუსული ტერორიზმის შეჩერებას - დახურეთ ცა უკრაინის თავზე!!“, - აღნიშნულია განცხადებაში.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს