„თუ დღეს, ჩვენ არ ვუპასუხებთ პუტინის თავდასხმას გლობალურ მშვიდობასა და სტაბილურობაზე, ხვალ, თავისუფლებისა და ამერიკელი ხალხის საფასური კიდევ უფრო დიდი იქნება“, - ამის შესახებ აშშ-ის პრეზიდენტმა, ჯო ბაიდენმა განაცხადა.

ამერიკის შეერთებული შტატების პრეზიდენტის თქმით, მიუხედავად იმისა, რომ ვლადიმერ პუტინს, შეუძლია აიღოს ქალაქი, ის ვერასოდეს შეძლებს მთლიანი ქვეყნის შენარჩუნებას, შესაბამისად, უკრაინა მის გამარჯვებადაც არასოდეს იქცევა.

„როგორც ჩანს, პუტინს გადაწყვეტილი აქვს, გააგრძელოს თავისი მკვლელობის გზა, გადასახდელი ფასის მიუხედავად. მან უკვე ორი მილიონი უკრაინელი ლტოლვილად აქცია. რუსეთმა შეიძლება გააგრძელოს თავისი წინსვლის საშინელ ფასად, მაგრამ ეს უკვე ცხადია: უკრაინა პუტინის გამარჯვებად არასოდეს იქცევა. პუტინს შეუძლია აიღოს ქალაქი, მაგრამ ის ვერასოდეს შეძლებს ქვეყნის შენარჩუნებას. და თუ ჩვენ არ ვუპასუხებთ პუტინის თავდასხმას გლობალურ მშვიდობასა და სტაბილურობაზე დღეს, თავისუფლების და ამერიკელი ხალხის საფასური ხვალ, კიდევ უფრო დიდი იქნება“, - თქვა მან.

ბაიდენმა ასევე, ომში გამოჩენილი სიმამაცის გამო, უკრაინელი ხალხი შეაქო.

„მათ შთააგონეს მსოფლიო თავიანთი სიმამაცით, პატრიოტიზმით, თავისუფლად ცხოვრების დაუმორჩილებლობის მტკიცე ნებისყოფით. პუტინის ომმა გამოიწვია უზარმაზარი ტანჯვა და უაზრო ზარალი ქალების, ბავშვებისა და ყველას მიმართ უკრაინასა და ასევე, შეიძლება დავამატო, რომ რუსეთშიც“, - დასძინა აშშ-ის პრზიდენტმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს