უკრაინის საგარეო საქმეთა სამინისტრომ რუსეთი ცეცხლის შეწყვეტის შეთანხმების დარღვევაში მას შემდეგ დაადანაშაულა, რაც დღეს, ზაპორიჟიიდან ალყაშემორტყმულ ქალაქ მარიუპოლამდე გამავალი ჰუმანიტარული დერეფანი დაბომბეს.

უკრაინის საგარეო საქმეთა სამინისტროს სპიკერის, ოლეგ ნიკოლენკოს განცხადებით, საჭიროა, რუსეთზე ზეწოლა კიდევ უფრო მეტად გაძლიერდეს, რათა მან თავისი ვალდებულებები შეასრულოს.

„ცეცხლის შეწყვეტის შეთანხმება დაირღვა! რუსული ძალები ახლა ბომბავენ ჰუმანიტარულ დერეფანს ზაპორიჟიიდან მარიუპოლამდე. 8 სატვირთო მანქანა + 30 ავტობუსი მზადაა მარიუპოლში ჰუმანიტარული დახმარების ჩასაბარებლად და ზაპორიჟჟიაში მშვიდობიანი მოსახლეობის გადასაყვანად. რუსეთზე ზეწოლა უნდა გაძლიერდეს, რათა მან შეასრულოს თავისი ვალდებულებები“, - აღნიშნა ოლეგ ნიკოლენკომ „ტვიტერ“-ზე.

როგორც Associated Press იუწყება, ავტობუსებს ჰუმანიტარული მარაგი, მათ შორის საკვები და მედიკამენტები ქალაქში უნდა მიეტანათ, შემდეგ კი მშვიდობიანი მოქალაქეები უსაფრთხო ადგილას გადაეყვანათ. თუმცა, მალევე, მას შემდეგ რაც ოფიციალურმა პირებმა განაცხადეს, რომ ავტობუსები დერეფნისაკენ მიდიოდნენ, უკრაინის პრეზიდენტის ოფისმა განაცხადა, რომ „გაქცევის კორიდორს“ ბომბავდნენ.

გამოცემის ცნობით, მერმა ასევე ეჭვი შეიტანა ევაკუაციის შესახებ და განუცხადა BBC-ს, რომ რუსული ძალები განაგრძობდნენ დაბომბვას იმ ტერიტორიის, სადაც ხალხი შეკრებას ცდილობდა. მისი თქმით, ზოგიერთი გზა გადაკეტილია, ნაწილი კი დანაღმულია.

მათივე ინფორმაციით, მარიუპოლისთვის ბრძოლა გადამწყვეტია, რადგან მისი აღებით მოსკოვს შეუძლია შექმნას სახმელეთო დერეფანი ყირიმისაკენ, რომელიც რუსეთმა 2014 წელს წაართვა უკრაინას.

ამბავს The Guardian ავრცელებს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს