უკრაინის ყოფილი პრეზიდენტი, ვიქტორ იანუკოვიჩი ქვეყნის მოქმედ პრეზიდენტს, ვოლოდიმირ ზელენსკის მიმართავს და მოუწოდებს, ნებისმიერ ფასად შეწყვიტოს სისხლისღვრა. 

„მე კარგად მესმის, რომ თქვენ ბევრი „მრჩეველი" გყავთ, მაგრამ პირადად თქვენ, ვალდებული ხართ, ნებისმიერ ფასად შეწყვიტოთ სისხლისღვრა და მიაღწიოთ სამშვიდობო შეთანხმებას. ამას თქვენგან ელიან უკრაინაში, დონბასსა და რუსეთში", - აღნიშნულია იანუკოვიჩის განცხადებაში, რომლის ტექსტსაც რუსული სააგენტო „რია ნოვოსტი" ავრცელებს. 

იანუკოვიჩმა აღნიშნა, რომ ამგვარი ქმედებით მადლიერები იქნებიან როგორც უკრაინის მოქალაქეები, ასევე კიევის დასავლელი პარტნიორები. 

„მინდა ვოლოდიმირ ზელენსკის მივმართო როგორც პრეზიდენტმა, ან ცოტა მამობრივად. ვოლოდიმირ ალექსანდროვიჩ, თქვენ, ალბათ ოცნებობთ გახდეთ ნამდვილი გმირი! მაგრამ გმირობა არ არის თავის გამოსაჩენი, ის არა იმაში მდგომარეობს, რომ იბრძოლოთ უკანასკნელი უკრაინელის სისხლისთვის, ის არის თავგანწირვაში, საკუთარ სიამაყესა და ამბიციებზე გამარჯვებაში, ხალხის სიცოცხლის შენარჩუნების ხათრით", - განაცხადა ექს-პრეზიდენტმა. 

მანვე დასძინა, რომ ტკივილით აღიქვამს იმას, რაც ახლა ხდება მის სამშობლოში და ღრმად თანაგრძნობას უხადებს ტანჯვას, რომლის ატანაც უწევთ უკრაინელებს. მანვე აღიშნა, რომ „ნებისმიერ ტრაგედიაში არის მომენტი, როცა მისი შეჩერება ჯერ კიდევ შესაძლებელია".

„პირველივე დღიდან პირდებოდით მოსახლეობას, რომ შეაჩერებდით ომს უკრაინაში და მხოლოდ ამიტომ დაგიჭირათ თქვენ უკრაინამ მხარი. თქვენ შეგეძლოთ გამხდარიყავით მშვიდობის პრეზიდენტი, მაგრამ, სამწუხაროდ, ეს არ მოხდა", - მიმართა იანუკოვიჩმა ზელენსკის. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს