ორშაბათს, აშშ-ის სახელმწიფო მდივანმა, ენტონი ბლინკენმა ლიეტუვასა და ლატვიის პრეზიდენტები დაარწმუნა იმაში, რომ რუსეთისგან მათ NATO-ს ალიანსი და ამერიკის შეერთებული შტატები დაიცავდა.

გავრცელებული ინფორმაციით, აშშ-ის პრეზიდენტის, ჯო ბაიდენის ადმინისტრაცია სურვილს გამოთქვამს, რომ აღნიშნულთან დაკავშირებით ბალტიისპირეთის ქვეყნებს ნებისმიერი შიში გაუქარწყლოს.

ლატვიის დედაქალაქ რიგაში, ენტონი ბლინკენმა ვიზიტის დროს განაცხადა, რომ ბალტიისპირეთმა შექმნა „დემოკრატიული კედელი, რომელიც ახლა, რუსულ ავტოკრატიის ტალღას ეწინააღმდეგება“.

„აშშ უფრო ერთგულია, ვიდრე ოდესმე, რომ თქვენ გვერდით იდგეს, ვინაიდან ჩვენი დემოკრატიები გამოწვევის პირისპირაა. ჩვენ ვაძლიერებთ ჩვენს საერთო თავდაცვას, რათა ჩვენ მოკავშირეებთან ერთად მზად ვიყოთ“, - დასძინა ენტონი პლინკენმა.

მან ხაზგასმით აღნიშნა, რომ აშშ-ს ერთგულება ნატოს ორმხრივი თავდაცვის პაქტის მიმართ არის „სასწაულებრივი“ და რომ ნატო და შეერთებული შტატები ბალტიისპირეთში ჯარების მუდმივ განთავსებას განიხილავდნენ.

„ჩვენ დავიცავთ ნატოს ტერიტორიის თითოეულ სანტიმეტრს, თუ მას თავდასხმა დაემუქრება. ჩვენს მზადყოფნაში ეჭვი არავის უნდა ეპარებოდეს. არავის არ უნდა ეპარებოდეს ეჭვი ჩვენს გადაწყვეტილებაში“, - აღნიშნა აშშ-ის სახელმწიფო მდივანმა.

ინფორმაციას ABC News იუწყება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს