უკრაინის თავდაცვის მინისტრმა ალექსეი რეზნიკოვმა რუსეთ-უკრაინის ომის თერთმეტი დღე შეაჯამა და უკრაინელებს მიმართა.

"ძვირფასო უკრაინელებო! გმირული წინააღმდეგობის თერთმეტი დღე გავიდა. იმ უზარმაზარი დანაკარგების გამო, რაც მტერს ჰქონდა, საბრძოლო მოქმედებების ინტენსივობა დროებით შემცირდა. თუმცა, რუსი დამპყრობლები ცდილობენ ძალების კონცენტრირებას და ახალი თავდასხმებისთვის ემზადებიან. არ დავკარგოთ სიფხიზლე! "რუსული სამშვიდობოები" ჰუმანიტარული კრიზისით ცდილობენ გმირი ქალაქი მარიუპოლის აღებას. სახელმწიფოს ხელმძღვანელობა აკეთებს ყველაფერს, რაც შესაძლებელსა და შეუძლებელს ჰუმანიტარული დერეფნის უზრუნველსაყოფად. რუსი ტერორისტები სიტყვას არ ასრულებენ. ისინი საცხოვრებელ უბნებს ესვრიან. ევაკუაციის დროს მშვიდობიან ადამიანებს ესვრიან." - აცხადებს უკრაინის თავდაცვის მინისტრი.

რეზნიკოვის განცხადებით,  ევროპიდან 140 000-ზე მეტი უკრაინელი დაბრუნდა ქვეყნის დასაცავად.

"ევროპიდან 140 000-ზე მეტი უკრაინელი დაბრუნდა და ათობით ათასი შეუერთდა თავდაცვის ძალებს, რათა ქვეყანა დაიცვან. უკვე მივიღეთ 20 000-ზე მეტი მიმართვა უცხო ქვეყნის მოქალაქეებისგან, რომლებიც მზად არიან ჩავიდნენ და კიევის მხარეს იბრძოლონ.  ათწლეულების განმავლობაში რუსები ანადგურებდნენ თავისი ხალხის თავისუფლებას და ღირსებას, რათა მორჩილი მოსახლეობა მიეღოთ. ჩვენ დავიბრუნებთ ოკუპანტების მიერ დროებით დაკავებულ ქალაქებს და სოფლებს. ხერსონმა, კახოვკამ, მელიტოპოლმა და ბერდიანსკმა, დაამტკიცა რომ ეს შესაძლებელია. ერი ერთიანია.  დიდება უკრაინას!" -განაცხადა რეზნიკოვმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს