სინგაპურმა რუსეთის წინააღმდეგ დააწესა სანქციები, რომლებიც ექსპორტის კონტროლსა და ფინანსურ ზომებსაც მოიცავს. -  ამის შესახებ ინფორმაციას CNN ავრცელებს.

„ჩვენ დავაწესებთ საექსპორტო კონტროლს იმ ნივთებზე, რომლებიც შესაძლოა გამოყენებულ იქნას იარაღად უკრაინელებისთვის ზიანის მიყენების მიზნით ან მათ დასამორჩილებლად, ასევე ნივთებზე, რომლებსაც შეუძლიათ ხელი შეუწყონ კიბერ ოპერაციებს“, - ნათქვამია ქვეყნის საგარეო საქმეთა სამინისტროს განცხადებაში.

სანქციების მიხედვით: 

სინგაპური უარს იტყვის რუსეთის ყველა მოთხოვნაზე, რომელიც მოიცავს სამხედრო საქონლის, ტექნიკის, კომპიუტერების, "ტელეკომუნიკაციისა და ინფორმაციის უსაფრთხოების" ნივთების მიწოდებას.  

სინგაპურის ყველა ფინანსურ ინსტიტუტს ეკრძალება ტრანზაქციების განხორციელება ან საქმიანი ურთიერთობა რუსულ ფინანსურ ინსტიტუტებთან, მათ შორის, VTB ბანკთან, VEB.RF-სთან, Promsvyazbank-სა და Bank Russia-სთან. 

ამასთან, იკრძალება ტრანზაქციები ან სახსრების მოზიდვის ხელშეწყობა რუსეთის მთავრობისა და რუსეთის ცენტრალური ბანკისთვის, ასევე, მათ საკუთრებაში არსებული ნებისმიერი სუბიექტისთვის. 

იკრძალება ფინანსური მომსახურების მიწოდება დონეცკისა და ლუგანსკის რეგიონებში ტრანსპორტის, ტელეკომუნიკაციისა და ენერგეტიკის სექტორში. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს