უკრაინის საგარეო საქმეთა მინისტრმა, დმიტრო კულებამ ნატო-ს ქვეყნების საგარეო საქმეთა მინისტრებს მოუწოდა, რომ რუსეთის პრეზიდენტ, ვლადიმირ პუტინს უფლება არ მისცენ, უკრაინა სირიად გადააქციოს.

„ნატო-ს საგარეო საქმეთა მინისტრების საგანგებო შეხვედრაში მონაწილეობა მივიღე. ჩემი გზავნილი შემდეგი იყო: იმოქმედეთ ახლა, სანამ გვიან არ არის. ნუ მისცემთ პუტინს უფლებას უკრაინა სირიად აქციოს. ჩვენ მზად ვართ ვიბრძოლოთ. ჩვენ გავაგრძელებთ ბრძოლას. მაგრამ გვჭირდება პარტნიორები, რომლებიც დაგვეხმარებიან. კონკრეტული, გადამწყვეტი და სწრაფი ქმედებებით ახლა“, - აღნიშნა დმიტრო კულებამ.

განცხადებაში დმიტრო კულებამ ყურადღება გაამახვილა იმ ფაქტზე, რომ უკრაინელი მშვიდობიანი მოქალაქეები რუსი მფრინავების დაბომბვის შედეგად, ჯერ კიდევ იხოცებიან.

„დარწმუნებული ვარ, რომ ეს ომი ისე ვითარდება, რომ როცა დრო მოვა, მოგინდებათ ყველაფერი მოგვცეთ, ყველაფერი, რაც გვჭირდება, რათა პუტინმა ევროპას არ დაარტყას და იქაურობა კოშმარად არ აქციოს. ჩემი ერთადერთი იმედია, რომ მაგ დროს, უკვე გვიან არ იქნება“, - აღნიშნა მინისტრმა.

4 მარტს ბელგიის დედაქალაქ ბრიუსელში, უკრაინაში რუსეთის შეჭრის ფონზე, ნატო-ს საგარეო საქმეთა მინისტრების საგანგებო შეხვედრა გაიმართა.

ნატოს გენერალურმა მდივანმა იენს სტოლტენბერგმა შეხვედრის შემდეგ განაცხადა, რომ ალიანსი არ არის უკრაინის კონფლიქტის მხარე და უნდა უზრუნველყოს, რომ ომი დანარჩენ ევროპასა და მოკავშირე ქვეყნებშიც არ გავრცელდეს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს