უკრაინის პრეზიდენტის ოფისის მთავარი მრჩეველი, ალექსეი არესტოვიჩი რუსეთ-უკრაინას შორის გამართული მოლაპარაკებების დეტალებზე საუბრობს, - აღნიშნულის შესახებ მან ტელემარათონის დროს ისაუბრა.

მისი თქმით, რუსეთის მხარე თანდათან ამცირებს მოთხოვნებს.

„მათ შეწყვიტეს საუბრი დენაციფიკაციაზე და ა.შ და დაიწყეს საუბარი, არაბლოკურ სტატუსტზე,  ამ თემაზეც დიადად არ გაჩერებულან. ეს ეხებოდა უკრაინაში გარკვეული ტიპის შეტევითი იარაღის განლაგების აკრძალვას“, - აღნიშნა მან.

მანვე დასძინა, რომ მოთხოვნების შემცირება აჩვენებს, რომ რუსეთის ფედერაცია იაზრებს, რომ მათი პოლიტიკური მიზნების სამხედრო გზით მიღწევა შეუძლებელია.

პრეზიდენტის მრჩეველმა გაიხსენა ერთადერთი შეთანხმება, რომელიც გუშინდელ მოლაპარაკებებზე იქნა მიღწეული.

„იყო თეორიული შეთანხმება, მხარეთა თანხმობა ჰუმანიტარული დახმარების მიწოდების ან ჰუმანიტარული დერეფნების თაობაზე უკრაინის ქალაქებისთვის, რომლებიც ალყაში არიან მოქცეულნი და დაზარალდნენ რუსეთის შეჭრით“, - დასძინა მან.

შეგახსენებთ, რომ რუსეთსა და უკრაინას შორის საომარი მოქმედებების შეწყვეტასთან დაკავშირებით მოლაპარაკებები მიმდინარეობს. მოლაპარაკებების ორი რაუნდი უკვე გაიმართა და ცნობილია, რომ მესამე რაუნდის თარიღი უმოკლეს ხანში ჩაინიშნება.

რას ითხოვს რუსეთი უკრაინასთან მოლაპარაკებებში:

რეფერენდუმით საპარლამენტო დონეზე დაფიქსირებული უკრაინის ნეიტრალური სტატუსი

უკრაინის მიერ დონეცკის და ლუგანსკის რეგიონების აღიარება ადმინისტრაციულ ფარგლებში

დენაციფიკაცია

ყირიმის დაბრუნების საკითხი, რომელსაც უკრაინა ითხოვს, სამომავლოდ გადაიდოს

უკრაინული მხარე რუსეთთან მოლაპარაკებებისას მოითხოვდა მხოლოდ ცეცხლის შეწყვეტას და უკრაინის ტერიტორიიდან აგრესორი ქვეყნის ჯარის გაყვანას.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს