უკრაინის ვიცე-პრემიერმა, ოლჰა სტეფანიშინამ განაცხადა, რომ ნატო ნაწილობრივ პასუხისმგებელია ქვეყანაში მშვიდობიანი მოსახლეობის დაღუპვაზე. აღნიშნულის მიზეზად, იგი ნატო-ს მხრიდან „ფრენის აკრძალული ზონის“ გაძლიერებაზე უარის თქმას ასახელებს.

„ფრენის აკრძალული ზონა“ საჰაერო სივრცის ის ნებისმიერი რეგიონია, სადაც ტერიტორიების დაცვის მიზნით, გარკვეულ თვითმფრინავებს ფრენის უფლება არ გააჩნიათ.

 „არაადამიანურია იმის ცოდნა, რომ მშვიდობიანი მოსახლეობა და ბავშვები დაიღუპებიან ამ გადაწყვეტილების არმიღებით. იმ მშვიდობიანი მოსახლეობის სისხლი - მათ შორის ორი ბავშვის დედისა და მამის ჩათვლით, რომლებიც გუშინ დაიბადნენ და დღეს უკვე, დაბომბვის შედეგად, მშობლები დაკარგეს - არ არის მხოლოდ რუსეთის ხელზე“, - აღნიშნა ოლჰა სტეფანიშინამ BBC Radio 4-თან საუბრისას.

უკრაინის ვიცე-პრემიერმა ზემოთ ნახსენები „არადიპლომატიური“ განცხადების გამო ბოდიში მოიხადა, თუმცა დააყოლა, რომ აღნიშნული ინტერვიუ „ბომბის თავშესაფარში“ ჩაწერა.

ცნობისთვის, ნატო-ს წევრებმა ფრენის აკრძალული ზონის შექმნაზე უარი თქვეს, რადგან ისინი შიშობენ, რომ იგი კონფლიქტის ესკალაციას გამოიწვევს -  დასავლეთის საჰაერო ძალებს რუსეთის საჰაერო ძალებთან პირდაპირ ბრძოლაში ჩაითრევს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს