არავის სჯეროდა არც რუსეთში და არც დასავლეთში, რომ უკრაინა გაძლებდა. - ამის შესახებ ​​​უკრაინის თავდაცვის მინისტრი, ალექსეი რეზნიკოვი Facebook-ზე წერს.

მისივე თქმით, უკრაინის შეიარაღებული ძალების შესაძლებლობები იზრდება და უკრაინა გამარჯვებასთან ახლოს არის.

ძვირფასო უკრაინელებო! ადრე არც კი მიფიქრია კვირაში რამდენი საათია? 168 - აღმოჩნდა. უკვე მთელი კვირაა უკრაინა ოკუპანტებს ებრძვის. არავის სჯეროდა არც რუსეთში და არც დასავლეთშიც რომ უკრაინა გაძლებდა. მხოლოდ უკრაინას და უკრაინელებს სჯეროდათ.

24 თებერვალს, უკრაინელების მხოლოდ ორი მესამედი იყო დარწმუნებული, რომ რუსეთის სრულმასშტაბიანი შემოჭრის შემთხვევაში ჩვენ გადავრჩებოდით. დღეს ასე ფიქრობს უკრაინელების 90%. ეს ჩვენი ჯარისკაცების გმირობის შედეგია.  ეს ჩვენი პროფესიული მოქმედებების შედეგია. ეს თითოეული თქვენგანის თავდადებაა. ჩვენი ექიმები, მაშველები, მუშები, ჟურნალისტები, ფინანსისტები ფრონტს იკავებენ, ქვეყანა არ გაჩერებულა და იბრძვის.  

ჩვენმა არმიამ უკვე გაანადგურა ათასობით ოკუპანტი და მტრის იმდენი აღჭურვილობა, რომლითაც შესაძლებელი იქნებოდა რამდენიმე ქვეყნის ჯარის შეიარაღება. ჩვენი შეიარაღებული ძალების შესაძლებლობები იზრდება, დახმარებას ვიღებთ. მებრძოლებმა ბევრ სფეროში თავი ბრწყინვალედ გამოიჩინეს. ჩვენი საჰაერო ძალები უკვე ლეგენდები არიან. მედესანტეები, ქვეითები, არტილერია - ეს ყველაფერი ამტკიცებს, რომ უკრაინელები საუკეთესოები არიან.  

წინ ჯერ კიდევ ბევრი გამოწვევაა - იქნება სისხლი, ცრემლები და ტკივილი. მაგრამ ახლა, როგორც არასდროს, ისე გვაქვს მიზეზი, ვიყოთ დარწმუნებული, რომ ახლოს ვართ. ჩვენ აუცილებლად გავიმარჯვებთ! დიდება უკრაინას!" - წერს რეზნიკოვი.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს