უკრაინის წინააღმდეგ ომის დაწყების გამო რუსეთისთვის დაწესებულმა საერთაშორისო სანქციებმა მნიშვნელოვნად გაზარდა დეფოლტის შესაძლებლობა ქვეყნის სახელმწიფო ვალის დოლარით გადახდისას. სააგენტო Reuters-ის ინფორმაციით, ასეთი პროგნოზი აქვთ ერთ-ერთი უმსხვილესი საინვესტიციო ბანკის, ამერიკული JPMorgan-ის ანალიტიკოსებს.
„რუსეთის წინააღმდეგ დაწესებულმა სანქციებმა მნიშვნელოვნად გაზარდა რუსეთის სავალუტო ობლიგაციების დეფოლტის ალბათობა“, - აცხადებენ JPMorgan-ის ანალიტიკოსები.
როგორც CNN წერს, რუსეთს შესაძლოა ჰქონდეს ნაღდი ფული, რათა ვალის გადახდა შეძლოს, ცენტრალური ბანკის საერთაშორისო რეზერვები დაახლოებით $643 მილიარდია. თუმცა, როგორც JPMorgan-ში ამბობენ, სანქციები, რაც რუსეთს ამერიკამ დაუწესა, მოსკოვს გაურთულებს საზღვარგარეთ ობლიგაციებით გადახდებს.
მაგალითად, ცენტრალურ ბანკზე დაწესებული სანქციები და რუსული ბანკების SWIFT-დან გათიშვა, უცხოურ ვალუტაზე წვდომაზე გავლენას იქონიებს.

ინფორმაციისთვის 1998 წელს რუსეთის ფედერაციის მთავრობამ დეფოლტი გამოაცხადა.  გრანდიოზული სახელმწიფო ფინანსური პირამიდა ჩამოშალა და ათობით ბანკი, ასობით კომპანია და ათასობით მწერმე მოიყოლა.  ტექნიკური დეფოლტის გამო "გაიყინა" მილიარდობით რუბლის ვალი და ამავე დროს მკვეთრად გაუფასურდა რუსული ვალუტა. მოგვიანებით ეკონომიკურ კოლაფსს რუსეთის პრეზიდენტის ბორის ელცინის გადადგომა მოხდა.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება