2022-03-01 10:32:14, 687 ნახვა
მსოფლიო
გაერო - უკრაინაში 4-დღიანი ომის შედეგად 100-ზე მეტი მშვიდობიანი მოქალაქე დაიღუპა, ასობით დაიჭრა
რუსეთის მიერ უკრაინაზე თავდასხმის შედეგად, გაეროს მონაცემებით, უკვე 100-ზე მეტი მშვიდობიანი მოქალაქე დაიღუპა და 300-ზე მეტი დაშავდა.
Deutsche Welle-ს ცნობით, ამის შესახებ გაეროს ადამიანის უფლებათა უმაღლესი კომისრის მიშელ ბაჩელეტის ოფისმა ჟენევაში განაცხადა.
მისი თქმით, დაღუპულთა შორის სულ მცირე 7 ბავშვია. მსხვერპლთა უმეტესობა საარტილერიო, სარაკეტო და საჰაერო დაბომბვამ გამოიწვია, ნათქვამია გაეროს უმაღლესი კომისრის განცხადებაში.
უკრაინის ჯანდაცვის სამინისტროს ცნობით, 28 თებერვლის მდგომარეობით, უკრაინაში რუსეთის სამხედრო შეჭრის დაწყებიდან 352 ადამიანი დაიღუპა, მათ შორის 16 ბავშვი და დაშავდა 2040 მშვიდობიანი მოქალაქე, მათ შორის 45 ბავშვი.
ავტორი: ექსპრესნიუსი,
epn.ge (@expressnews.ge)
