კასპის მუნიციპალიტეტის კოდისწყაროს ადმინისტრაციულ ერთეულში მიმდინარეობს სოფლების ქვემო რენეს და ნიგოზას ადგილობრივი მნიშვნელობის თბილისი - სენაკი - ლესელიძეს ავტობანთან დამაკავშირებელი, ასევე ზემო და ქვემო რენეს ერთმანეთთან შემაერთებელი გზის რეაბილიტაციის სამუშაოები. ამის შესახებ კასპის მუნიციპალიტეტი იუწყება.

მათივე ცნობით, სამუშაოების მიმდინარეობა ადგილზე დაათვალიერეს შიდა ქართლის მხარის რწმუნებულმა ვალერიან მჭედლიძემ, მოადგილე სიმონ გულედანმა და კასპის მუნიციპალიტეტის მერმა ვახტანგ მაისურაძემ.

„ამჟამად მზადდება გზის საფუძველი, ეწყობა რკინა ბეტონის კიუვეტები, მოეწყობა ეზოში შესასვლელები და დაიგება ასფალტის ფენა.

ორივე სოფლის გზის რეაბილიტაციის სამუშაოებს ელექტრონულ ტენდერში გამარჯვებული შპს „იბოლია“ ასრულებს. პროექტი გარდამავალია, გასულ წელს სოფელ ჩობალაურის და ზემო რენეს გზის მოასფალტების სამუშაოები ჩატარდა. პროექტის სრული სამუშაოების ღირებულება 1 336 200 ლარია.

ავტობანთან დამაკავშირებელი ოთხივე სოფლის  ამორტიზირებულ გზაზე გაჩენილი იყო ორმოები, სანიაღვრე არხის არქონის გამო დაზიანების ხარისხი იზრდებოდა, გადაადგილება უჭირდა როგორც ქვეითად მოსიარულეებს ისე სატრანსპორტო საშუალებებს. პროექტის განხორციელება უზრუნველყოფს არსებული პრობლემის მოგვარებას“, - აღნიშნულია განცხადებაში.

ავტორი: NS (სტატია დაფინანსებულია),

სოციალური ქსელები

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87

თიბისისა და Visa-ს ახალი ბარათი ექსკლუზიურად Glovo-ს კურიერებისთვის

დაავადებათა კონტროლის ცენტრი - უკანასკნელ პერიოდში გახშირებული გასტროენტერიტით მიმდინარე შემთხვევები გამოწვეულია ნოროვირუსით