ომარ ტაკიძე კულტურის ცენტრის თანამშრომლებს შეხვდა

2022-02-21 15:57:16, 1561 ნახვა

რეგიონი

შუახევის მუნიციპალიტეტის მერი, ომარ ტაკიძე, მოადგილე რუსუდან შავაძესთან ერთად კულტურის ცენტრის თანამშრომლებს შეხვდა. ინფორმაციას შუახევის მუნიციპალიტეტის მერია ავრცელებს.

მათივე ცნობით, შეხვედრას, კულტურის ცენტრის ადმინისტრაციული სამსახური, ცენტრთან არსებული ანსამბლის ხელმძღვანელები, ბიბლიოთეკის და მუზეუმის განყოფილებებისა და მოსწავლე - ახალგაზრდობის სახლის თანამშრომლები ესწრებოდნენ.

ამასთანავე, კულტურის ცენტრის თანამშრომლებმა უახლოეს პერიოდში განსახორციელებელ აქტივობებსა და დაგეგმილ ღონისძიებებზე, არსებულ გამოწვევებზე ისაუბრეს. ყურადღება გამახვილდა, ფოლკლორის ეროვნულ ფესტივალში კულტურის ცენტრთან არსებული ვოკალური და ფოლკლორული ანსამბლების მონაწილეობაზე.

აღინიშნა, რომ შუახევს თანამედროვე სტანდარტების შესაბამისი კულტურის ცენტრი ექნება, რომელიც ხელს შეუწყობს დასაქმებულთა სამუშაო პირობების გაუმჯობესებასა და კულტურული ღონისძიებების ხარისხის ამაღლებას.

ომარ ტაკიძემ სამუშაო შეხვედრაზე, ახალი პროექტების, ღონისძიებების, ინიციატივების აუცილებლობასა და თითოეული რგოლისა და წარმომადგენლის სამუშაო პროცესში აქტიური ჩართულობის აუცილებლობაზე ისაუბრა. კულტურის სფეროში დასაქმებულებს სამომავლო გეგმების განხორციელებაში მხარდაჭერას დაჰპირდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),