2022-02-10 10:09:47, 668 ნახვა
მსოფლიო
ემანუელ მაკრონი ჯო ბაიდენს რუსეთსა და უკრაინაში გამართულ შეხვედრებზე ესაუბრა
საფრანგეთის პრეზიდენტი, ემანუელ მაკრონსადა აშშ-ს პრეზიდენტ ჯო ბაიდენს შორის სატელეფონო საუბარი შედგა. პრეზიდენტებს შორის სატელეფონო საუბარი საფრანგეთის ლიდერის მიერ რუსეთსა და უკრაინაში განხორციელებულ ვიზიტს შეეხებოდა.
ამის შესახებ ინფორმაციას თეთრი სახლი ავრცელებს.
„პრეზიდენტებმა ისაუბრეს იმ მიმდინარე დიპლომატიურ და შეკავების ძალისხმევაზე, რომელიც მოკავშირეებთან და პარტნიორებთან მჭიდრო კოორდინაციით, რუსეთის მიერ უკრაინის საზღვართან შეიარაღებული ძალების თავმოყრის საპასუხოდ ხორციელდება“,- ნათქვამია თეთრი სახლის განცხადებაში.
ავტორი: ექსპრესნიუსი,
epn.ge (@expressnews.ge)
