2022-02-09 21:30:34, 1224 ნახვა
რეგიონი
გუდაური-კობის მონაკვეთზე ტრაილერების გადაადგილება აიკრძალა
თოვისა და ლიპყინულის გამო, მცხეთა–სტეფანწმინდა–ლარსის საავტომობილო გზის გუდაური-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა. ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი იუწყება.
მათივე ინფორმაციით, დანარჩენი, სხვა სახის ავტოტრანსპორტის მოძრაობა აღნიშნულ გზატკეცილზე თავისუფალია.
„გარემოს ეროვნული სააგენტოს ცნობით, მლეთა-გუდაურის და გუდაური–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით“, - აღნიშნულია განცხაებაში.
ავტორი: ექსპრესნიუსი,
epn.ge (@expressnews.ge)
