აშშ-ს პასუხები მოსკოვის წინადადებებზე უსაფრთხოების გარანტიების შესახებ "ოპტიმიზმის დიდ მიზეზს არ იძლევა". ამის შესახებ რუსეთის პრეზიდენტის პრესმდივანმა დიმიტრი პესკოვმა განაცხადა, იტყობინება ინტერფაქსი.

„გუშინ მოისმინეთ აშშ-ს სახელმწიფო მდივნის, ნატოს გენერალური მდივნის განცხადებები, სადაც აბსოლუტურად ცალსახად საუბრობდნენ რუსეთის მიერ გამოთქმული მთავარი შეშფოთების უარყოფაზე. აქედან გამომდინარე, ოპტიმიზმის ბევრი მიზეზი არ არსებობს“, - განაცხადა პესკოვმა.

მან დასძინა, რომ ამ დროისთვის თავს შეიკავებს შეერთებული შტატების პასუხების კონცეპტუალური შეფასებისგან.

პესკოვის თქმით, აშშ-ის პასუხი უსაფრთხოების გარანტიებზე უკვე გადაეცა პრეზიდენტ ვლადიმერ პუტინს, იუწყება ეხო მოსკვი.

პესკოვმა ასევე ეჭვქვეშ დააყენა პერსპექტივები, რომ განიხილონ საშუალო რადიუსის ბირთვული ძალების ხელშეკრულება (INF Treaty) უსაფრთხოების გარანტიების თემისგან იზოლირებულად. „ინფ ხელშეკრულების შესახებ ცალკე შეიძლება ითქვას, მაგრამ INF თემის განხილვა უსაფრთხოების საერთო არქიტექტურისა და სტრატეგიული უსაფრთხოების პრობლემებისგან იზოლირებულად ძნელად სიცოცხლისუნარიანია“, - მიიჩნევს რუსეთის პრეზიდენტის პრესმდივანი.

აშშ-მა რუსეთს უსაფრთხოების სფეროში წინადადებებზე წერილობითი პასუხი გასცა. დოკუმენტი რუსეთში აშშ-ის ელჩმაჯონ სალივანმა რუსულ მხარეს პირადად გადასცა, – ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

ჟურნალისტების წინაშე ბლინკენის გამოსვლამდე სახელმწიფო მდივნის მოადგილემ, უენდი შერმანმა განაცხადა, რომ შეერთებული შტატები კვლავაც დარწმუნებულია, რომ პუტინი თებერვლის შუა რიცხვებამდე გეგმავს უკრაინის წინააღმდეგ ძალის გამოყენებას.

ბლინკენის თქმით, მოსკოვისთვის გაგზავნილ წერილში ხაზგასმულია, რომ კიევს თავად შეუძლია საკუთარი მოკავშირეების არჩევა. ამით მან უკუაგდო რუსეთის მოთხოვნა, რომ ნატომ არასოდეს მიიღოს თავის რიგებში უკრაინა და სხვა ყოფილი საბჭოთა რესპუბლიკები.

ავტორი: ექსპრესნიუსი,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება