14:55 - 28 Mar, 2024
რეკლამა/ხელმოწერა
2022-01-23 11:03:23, 546 ნახვა

მსოფლიო
ბრიტანეთის საგარეო საქმეთა სამინისტრო - რუსეთი კიევში პრორუსული ლიდერის დაყენებას ცდილობს

ჩვენ გვაქვს ინფორმაცია, რომ რუსეთის მთავრობა კიევში პრორუსული ლიდერის დაყენებას ცდილობს, რადგან განიხილავს უკრაინაში შეჭრას და ოკუპაციას, - ამის შესახებ ინფორმაციას ბრიტანეთის საგარეო საქმეთა სამინისტრო ავრცელებს. 

უწყების ცნობით, პოტენციურ კანდიდატად ყოფილი უკრაინელი დეპუტატი ევგენ მურაევი განიხილება.

"ჩვენ გვაქვს ინფორმაცია, რომ რუსეთის დაზვერვის სამსახურები ინარჩუნებენ კავშირებს უამრავ ყოფილ უკრაინელ პოლიტიკოსთან, მათ შორის:

  • სერხი არბუზოვი, უკრაინის პირველი ვიცე-პრემიერი 2012-2014 წლებში და პრემიერ-მინისტრის მოვალეობის შემსრულებელი 2014 წელს.
  • ანდრი კლუევი, პირველი ვიცე-პრემიერი 2010-2012 წლებში და უკრაინის ყოფილი პრეზიდენტის იანუკოვიჩის შტაბის უფროსი.
  • ვლადიმერ სივკოვიჩი, უკრაინის ეროვნული უსაფრთხოებისა და თავდაცვის საბჭოს თავმჯდომარის ყოფილი მოადგილე (RNBO)
  • მიკოლა აზაროვი, უკრაინის პრემიერ მინისტრი 2010-2014 წლებში

ზოგიერთ მათგანს აქვს კონტაქტი რუს დაზვერვის ოფიცრებთან, რომლებიც ამჟამად არიან ჩართული უკრაინაზე თავდასხმის დაგეგმვაში,"- წერია განცხადებაში. 

საგარეო საქმეთა მინისტრის, ლიზ ტრუსის თქმით, ინფორმაცია, რომელიც დღეს გავრცელდა, ნათელს ხდის რუსეთის მოქმედების მასშტაბებს, რომლებიც შექმნილია უკრაინის დასამხობად და წარმოადგენს კრემლის აზროვნების ხილვას.

"რუსეთმა უნდა მოახდინოს დეესკალაცია, შეწყვიტოს აგრესიის და დეზინფორმაციის კამპანია და გაგრძელდეს დიპლომატიური გზა. როგორც დიდმა ბრიტანეთმა და ჩვენმა პარტნიორებმა არაერთხელ თქვეს, რუსეთის ნებისმიერი სამხედრო შეჭრა უკრაინაში იქნება უზარმაზარი სტრატეგიული შეცდომა, სერიოზული ხარჯებით.

ასევე ნათელია დიდი ბრიტანეთის პოზიცია უკრაინის მიმართ. ჩვენ ცალსახად ვუჭერთ მხარს მის სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში, მათ შორის ყირიმის ფარგლებში. უკრაინა დამოუკიდებელი, სუვერენული ქვეყანაა,"- ამბობს ლიზ ტრუსი. 




ავტორი: ექსპრესნიუსი,


სოციალური ქსელები
Crocus City Hall-ზე თავდასხმის შედეგად დაღუპულთა რიცხვი 143-მდე გაიზარდა
საფრანგეთში, გასტრონომიის რამდენიმე ფესტივალზე ქართული ღვინო იყო წარმოდგენილი
გენერალური პროკურორის მოადგილე სირაკუზის საერთაშორისო ინსტიტუტის პრეზიდენტს და გენერალურ დირექტორს შეხვდა
ბაკურიანში, მთის ფერდობიდან თოვლის მასა ჩამოიშალა - ზვავში, სავარაუდოდ, მოყოლილია ერთი ადამიანი

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics