სოფლად COVID 19-ის ვაქცინაციის გააქტიურების მიზნით მუნიციპალიტეტებში სამუშაო შეხვედრები გრძელდება, – ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, აჭარის ჯანმრთელობისა და სოციალური დაცვის მინისტრი ნინო ნიჟარაძე, პირველ მოადგილესთან, რამაზ ჯინჭარაძესთან და ხელვაჩაურის მერთან, ზაზა დიასამიძესთან ერთად COVID 19-ის სოფლად ვაქცინაციის კიდევ უფრო გააქტიურების მიზნით, მოქალაქეებს, სოფლის ექიმებს და მერის წარმომადგენლებს შეხვდა.

ამასთანავე, შეხვედრაზე დეტალურად განიხილეს მუნიციპალიტეტებში არსებული ეპიდემიური ვითარება და ვაქცინაციის მიმდინარეობის პროცესი. მოქალაქეებს გააცნეს ვაქცინაციის წახალისების მიზნით საქართველოს მთავრობის მიერ დადგენილი - 50 წელს ზემოთ მოქალაქეებისათვის ერთჯერადად 200 ლარიანი წახალისების ღონისძიება. შეხვედრის მონაწილეებს შესაძლებლობა ჰქონდათ ასევე, გაეცნობოდნენ სამინისტროს 2022 წლის პროგრამულ სიახლეებსაც.

,,შეხვედრის ძირითადი თემა იყო ვაქცინაციის მნიშვნელობა, აგრეთვე გავაცანით ინფორმაცია მატერიალური წახალისების შესახებ, რამაც გაზარდა მოქალაქეთა მომართვიანობა, თუმცა იმის გათვალისწინებით, რომ ეპიდვითარება ყოველდღიურად შესაძლოა კიდევ უფრო დამძიმდეს, ასევე სამიზნე პოპულაციის მოცვის მაჩვენებლი ვაქცინაციით არის 85 %, ჩვენ არ გვაქვს დასაკარგი დრო და მივმართავთ მოქალაქეებს გამოხატონ უფრო მეტი ინტერესი და მიმართონ ამცრელ კაბინეტებს“ - აღნიშნა მინისტრმა, ნინო ნიჟარაძემ.

როგორც ხელვაჩაურის მერმა, ზაზა დიასამიძემ აღნიშნა ,,მერის წარმომადგენლები აქტიურად არიან ჩართულები მოსახლეობის ინფორმირებაში და უშუალოდ, სოფლად კოვიდვაქცინაციის გააქტიურების პროცესში. პროცესი გრძელდება და მაქსიმალურად მიეწოდებათ როგორც სამედიცინო პერსონალის, ასევე წარმომადგენლების მიერ ვაქცინაციის სარგებლობის, ბუსტერდოზის აუცილებლობის შესახებ, რათა დაცული იყოს თითოეულის ჯანმრთელობის მდგომარეობა“.

დღემდე აჭარაში ჩატარებულია 304 313-ზე მეტი ვაქცინა, სრულად ვაქცინირებულია სამიზნე კონტიგენტის 85.6 %.

ავტორი: NS (სტატია დაფინანსებულია),

სოციალური ქსელები

მდინარაძე „უცხოური გავლენის გამჭვირვალობის შესახებ“ კანონის მეორე მოსმენაზე - საზოგადოებისთვის გაცილებით საინტერესო იქნება

BBC - რაფაჰზე თავდასხმის შედეგად, სულ მცირე, 9 ადამიანი დაიღუპა

მდინარაძე „ენჯეოებსა“ და მედიაზე - საქართველოში მსგავსი დაურეგულირებელი სფერო არ არსებობს

ღარიბაშვილი - თუ იმ დროისთვის, როცა ქვეყანა იქნება მზად, გახდეს ევროკავშირის წევრი, ძალიან მარტივად შეიძლება ამ კანონის გაუქმება