2021-12-15 13:04:13, 889 ნახვა

---

დეკანოზი ანდრია ჯაღმაიძე – მნიშვნელოვანია რეგულაციები, ვისურვებდი, რომ აზარტული თამაშები საერთოდ აკრძალონ

კანონპროექტის შემოტანის მცელობა არაერთხელ იყო და როგორც იქნა, მოვესწარით იმას, რომ შეიძლება ეს პროექტი კანონად იქცეს, – ასე ეხმაურება საპატრიარქოს საზოგადოებასთან ურთიერთობის ხელმძღვანელი, დეკანოზი ანდრია ჯაღმაიძე აზარტულ თამაშებთან დაკავშირებულ კანონპროექტს.

ჯაღმაიძის თქმით, მნიშვნელოვანია რეგულაციები, იდეალურ შემთხვევაში კი ის ისურვება, რომ აზარტული თამაშები საერთოდ აკრძალონ. 

"ამ კანონპროექტის შემოტანის მცდელობა არაერთხელ იყო და როგორც იქნა, მოვესწარით იმას, რომ მსჯელობა მიმდინარეობს და შეიძლება ეს პროექტი კანონად იქცეს. ძალიან მნიშვნელოვანია რეგულაციები, იდეალურ შემთხვევაში ვისურვებდით, რომ საერთოდ იყოს აკრძალული აზარტული თამაშები, თუმცა, დღეს ვმსჯელობთ რაღაც ეტაპზე გადასასვლელად, რაც შეზღუდავს ბევრ ახალგაზრდას და ადამიანს, რომელიც იმედით, მაგრამ მოტყუებული მიდის, თამაშობს, აგებს და ძალიან მძიმე შედეგები მოჰყვება ამას ოჯახებისთვის", – განაცხადა ანდრია ჯაღმაიძემ.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი