დედაქალაქის მერიის მხარდაჭერით, თბილისის საკონცერტო დარბაზში ხვალ ფესტივალი „თბილისი-რიტმი“ გაიმართება. მსმენელის წინაშე ბრიტანელი მუსიკოსებისგან შემდგარ კვინტეტთან ერთად, კონტრაბასისტი, კომპოზიტორი და პროდიუსერი, ამერიკული კინოს ცოცხალი ლეგენდის, კლინტ ისტვუდის ვაჟი, კაილ ისტვუდი წარსდგება. 

დამსწრე აუდიტორიას საშუალება ექნება, მოისმინოს მსოფლიო აღიარების საპრემიერო ალბომი „სინემატიკი“, რომელიც BBC-ის შეფასებით, საუკუნეებს გაუძლებს. ალბომში შესულია ისტვუდის ბენდის წევრთა მიერ დახვეწილი გემოვნებით შესრულებული 11 ნაწარმოები.

მუსიკალურ სამყაროში 15-წლიანი კარიერის განმავლობაში, ისტვუდი აღიარებულია, როგორც ნიჭიერი შემოქმედი და ექვსი ალბომის შემქმნელი ნოვატორი ჯაზმენი.

ფესტივალი „თბილისი რიტმი“ 2017 წელს დაარსდა. იგი ოფიციალურად სამმა ვირტუოზმა მუსიკოსმა - რიშარ გალიანომ, პაოლო ფრეზუმ და იან ლუნდგრენმა პროექტით - „მარე ნოსტრუმ“ გახსნა. ფესტივალი მიზნად ისახავს კულტურათაშორის ინტეგრაციას, ხელოვნების სხვადასხვა ჟანრის განვითარების ხელშეწყობას, ცნობილი უცხოელი არტისტების მოწვევით კონცერტების ორგანიზებასა და ფართო ასპარეზზე ქართველ შემრულებელთა წარმოჩენას. 

გლობალური პანდემიით გამოწვეული მიზეზის გამო, ფესტივალი „თბილისი-რიტმი“ სამი   პროგრამის ნაცვლად, მხოლოდ ერთ საერთაშორისო პროექტს უმასპინძლებს.

ავტორი: NS (სტატია დაფინანსებულია),

სოციალური ქსელები

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან

Politico - აშშ-მ უამინდობის გამო სისტემური გაუმართაობის გამო უკრაინა სარაკეტო დარტყმის შესახებ არ გააფრთხილა

საფრანგეთში სკოლებთან დაკავშირებულ საპროტესტო აქციებში 160 000-ზე მეტმა ადამიანმა მიიღო მონაწილეობა

ნოდარ მელაძე საპატრიარქოს მიერ ტელევიზიების დაბლოკვაზე - ასეთი რამ, არასდროს მომხდარა პატრიარქ ილია მეორეს მოღვაწეობის დროს