უკრაინის საგარეო საქმეთა მინისტრმა, დმიტრო კულებამ განაცხადა, რომ ჯო ბაიდენისა და ვლადიმერ პუტინის მოლაპარაკებებმა, რუსეთის მხრიდან დეესკალაციის ამოქმედება შესაძლებელი გახადა. აღნიშნულის შესახებ ინფორმაციას Reuters იუწყება.

გავრცელებული ინფორმაციით, კულება დარწმუნებულია, რომ „პუტინმა ძალიან მკაფიო და მტკიცე სიგნალები მიიღო, უკრაინის საზღვრებთან და რეგიონში მდგომარეობის ესკალაციასთან დაკავშირებით“.

„აღნიშნული კონტაქტი, თავისთავად მოქმედებს, როგორც შეკავება და დეესკალაცია. ჩვენ ვაფასებთ, მნიშვნელოვან დიპლომატიურ ჩართულობას აშშ-ის მხრიდან, რომლის მიზანსაც რუსეთის მოლაპარაკებების მაგიდასთან დაბრუნება წარმოადგენს“, - განაცხადა დმიტრო კულებამ.

მისივე თქმით, ხუთშაბათს ჩანიშნული მოლაპარაკებები, აშშ-ისა და რუსეთის ლიდერებს შესაძლებლობას მისცემს, როგორც რუსეთის შეკავების შემდგომი ნაბიჯები, ასევე, აღმოსავლეთ უკრაინაში კონფლიქტთან დაკავშირებით უკრაინას, რუსეთს, საფრანგეთსა და გერმანიას შორის ოთხმხრივი სამშვიდობო მოლაპარაკებების განახლების გზები განიხილონ.

ავტორი: ექსპრესნიუსი,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა