2021-11-10 09:45:45, 899 ნახვა
სამართალი
7 ნოემბრის საქმეზე დღეს მიხეილ სააკაშვილის სასამართლო პროცესი გაიმართება
საქართველოს მესამე პრეზიდენტის, მიხეილ სააკაშვილის სასამართლო პროცესი დღეს, 13:00 საათზე გაიმართება.
ჯერჯერობით უცნობია, სად ჩატარდება სასამართლო პროცესი და დაესწრება თუ არა თავად ბრალდებული მას.
საქალაქო სასამართლოს ოფიციალურ ვებ–გვერდზე გამოქვეყნებული ინფორმაციით, საქმის მოსამართლე ნინო ელიეშვილი იქნება.
ცნობისთვის, სახელმწიფო ბრალდება მიხეილ სააკაშვილს 2007 წლის 7 ნოემბერს, მომიტინგეთა მასობრივად დარბევას, ტელეკომპანია „იმედში“ შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება.
ავტორი: ექსპრესნიუსი,
epn.ge (@expressnews.ge)
