ტურიზმის ადმინისტრაციის ორგანიზებით სხვადასხვა ტურისტული კომპანიების 20 წარმომადგენელი სამცხე-ჯავახეთს ეწვია. ტურ-ოპერატორები და გიდები საქართველოს ტურიზმის ეროვნული ადმინისტრაციის „Gitoa" – საქართველოს შემომყვან ტურ ოპერატორთა ასოციაციის, "GTA" – საქართველოს ტურიზმის ასოციაციისა და ეკო-ტურიზმის ასოციაციის მიერ შეირჩნენ.-ინფორმაციას ტურიზმის ადმინისტრაცია ავრცელებს.

მათი ცნობით, ტურის მონაწილეები ახალციხეში „პურის ფესტივალს" დაესწრნენ. ღონისძიება ბიოლოგიურ მეურნეობათა ასოციაცია „ელკანამ"  დანიშნულების ადგილის მართვის ორგანიზაციასთან ერთად გამართა. ფესტივალის მიზანია ტრადიციული და ადგილობრივი პროდუქტების, მათ შორის ადგილობრივი პურისა და ხორბლის პოპულარიზაცია, რეგიონის აგროტურისტული პოტენციალის საზოგადოებისათვის გაცნობა და ადგილობრივი მოსახლეობის ინიციატივების წარმოჩენა-წახალისება. ფესტივალზე ცალკე სივრცე დაეთმო ქართულ ხორბალს. სტუმრებს საშუალება ჰქონდათ ადგილზე გამომცხვარი სხვადასხვა სახეობის პური და ადგილობრივი პროდუქტები გაესინჯათ.

"ფესტივალამდე ტურის მონაწილეებმა ასპინძის მუნიციპალიტეტის სოფელ ჭაჭკარში  ისტორიული სახლები, უძველესი  საწნახელი  და ვაზის ჯიშების დაათვალიერეს, ეწვივნენ ნიჯგორის უძველესს მარნებს, სოფელ საროში კი II ათასწლეულის მეგალითური ნაგებობები და  მესხური დარბაზები დაათვალიერეს.

ინფო-ტურის მონაწილეებმა ასპინძაში  „ქვევრის ლუდი" -მინი ქვევრის ლუდის საწარმო და საოჯახო სასტუმრო დაათვალიერეს, ეწვივნენ  სამცხე-ჯავახეთის ისტორიულ მუზეუმს და  წმინდა მარიამის მიძინების ქვაბისხევის ეკლესიას.

ინფო-ტურების მიზანია შიდა და შემომყვანი ტურისტული კომპანიების წარმომადგენლებსა და გიდებს შესაძლებლობა ჰქონდეთ, საქართველოს სხვადასხვა რეგიონში, ნაკლებად ცნობილი ადგილები და ობიექტები დაათვალიერონ. ტურების შემდეგ, მარშრუტების გათვალისწინებით ქართველი და უცხოელი მოგზაურებისთვის ტურისტული პაკეტები მზადდება."

ავტორი: NS (სტატია დაფინანსებულია),

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ