2021-10-23 11:59:08, 576 ნახვა
საზოგადოება
დევნილი ოჯახების მიწის ნაკვეთებზე სახლები აშენდება
ჯანდაცვის სამინისტროს ინფორმაციით, დევნილი ოჯახების საკუთრებაში არსებულ მიწის ნაკვეთებზე თანამედროვე სტანდარტების შესაბამისი სახლები აშენდება. ამ ეტაპზე, კომისიამ კიდევ 59 ოჯახი, წინასწარ განსაზღვრული კრიტერიუმების შესაბამისად, ღიად და გამჭვირვალედ შეარჩია.
პროექტი გერმანიისა და საქართველოს მთავრობების ნაყოფიერი თანამშრომლობის შედეგად გამოყოფილი გრანტის ფარგლებში ხორციელდება და იძულებით გადაადგილებული ოჯახებისთვის, ჯამში, 200-ზე მეტი სახლის აშენებას ითვალისწინებს.
გერმანიის რეკონსტრუქციისა და განვითარების ბანკის დაფინანსებულ პროექტს, რომლის მიზანს დევნილთა განსახლებასთან ერთად, მათი ეკონომიკური, სოციალური და საგანმანათლებლო ინტეგრაცია წარმოადგენს, ლტოლვილთა დანიის საბჭო ახორციელებს.
დევნილი ოჯახების სია იხილეთ ბმულზე: https://idp.gov.ge/news-205/
ავტორი: NS (სტატია დაფინანსებულია),
epn.ge (@expressnews.ge)
