საფრანგეთის განვითარების სააგენტოს ორგანიზებით, ონლაინ ფორუმი „კარტოფილის ღირებულების ჯაჭვის მდგომარეობა და პერსპექტივები საქართველოში“ გაიმართა, რომელშიც გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა მიიღო მონაწილეობა. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, ფორუმი პროექტის „ფინანსები, ექსტენცია და კოოპერატივების განვითარება ქართველი ფერმერებისათვის“ (FinExCoop საქართველო) ფარგლებში ჩატარდა და, NIF პროგრამის ნდობის ფონდის ფარგლებში, ევროკავშირის მიერ დაფინანსდა.

ფორუმზე კარტოფილის ღირებულებათა ჯაჭვის გაუმჯობესების და ბაზარზე უკეთესი წვდომის ხელშეწყობის  საკითხები და გამოწვევები განიხილეს.

როგორც ფორუმზე მინისტრის მოადგილემ აღნიშნა, კარტოფილი საქართველოში ერთ-ერთ ძირითად აგრარულ კულტურას წარმოადგენს, რომელსაც მნიშვნელოვანი წილი უჭირავს მოხმარების თვალსაზრისით. კარტოფილის კულტურის განვითარებას განსაკუთრებით დიდი პოტენციალი სამცხე-ჯავახეთის რეგიონში აქვს.

„აღსანიშნავია, რომ კარტოფილის საშუალო მოსავლიანობა საქართველოში დაბალია, რაც, მეტწილად, ფერმერთა მიერ ისეთი სათესლე კარტოფილის გამოყენებით არის განპირობებული, რომლებიც ვირუსების ან სხვა დაავადებების მიმართ მდგრადობით არ გამოირჩევა და დაბალმოსავლიან ჯიშებს წარმოადგენს. ჩვენთვის მნიშვნელოვანია, მაქსიმალური ხელშეწყობა ჰქონდეს ეკოლოგიურად სუფთა, მაღალი ხარისხის პროდუქციის წარმოებას. ამ მიზნით, ფონდის „ქართუ" დაფინანსებით შეიქმნა მცენარეთა მიკროკლონური (IN VITRO) გამრავლებისა და უვირუსო სარგავი მასალის ლაბორატორია. ლაბორატორიაში მიმდინარეობს კარტოფილის ინვიტრო მცენარეების გამრავლება, შემდგომ სათბურში გადატანა  და მინი ტუბერების მიღება. გარემოს დაცვისა და სოფლის მეურნეობის სამინისტრო მეკარტოფილეობის დარგის განვითარებისთვის, რაც არაერთ მიმართულებას გულისხმობს,  სხვადასხვა მხარდამჭერ ღონისძიებას ახორციელებს“, - განაცხადა სოლომონ პავლიაშვილმა.

ფორუმში საქართველოში ევროკავშირის წარმომადგენლობის სოფლის მეურნეობის, მეთევზეობის და სურსათის უვნებლობის პროგრამის მენეჯერი ჟორჟ დეუ, საფრანგეთის განვითარების სააგენტოს სამხრეთ კავკასიის რეგიონის დირექტორი რაფაელ ჟოზანი, FinExCoop საქართველოს ჯგუფის ხელმძღვანელი კრისტოფ კორდონიე, შესაბამისი საჯარო და კერძო სექტორის წარმომადგენლები იღებდნენ მონაწილეობას.

ავტორი: NS (სტატია დაფინანსებულია),

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის