2021-10-02 13:18:30, 799 ნახვა
პოლიტიკა
უკრაინის საგარეო საქმეთა მინისტრი - მიხეილ სააკაშვილი ყველა სახის საჭირო დახმარებას მიიღებს, ის ჩვენი მოქალაქეა
უკრაინის საგარეო საქმეთა მინისტრი დიმიტრი კულება აცხადებს, რომ საქართველოს მესამე პრეზიდენტი, მიხეილ სააკაშვილი კიევისგან ყველა სახის საჭირო დახმარებას მიიღებს, რადგან ის უკრაინის მოქალაქეა.
მისივე თქმით, დღეს უკრაინის საგარეო უწყებაში მივა საქართველოს საელჩოს წარმომადგენელი, რომელთანაც იქნება განხილული აღნიშნული თემა.
"მიხეილ სააკაშვილი კიევისგან ყველა სახის საჭირო დახმარებას მიიღებს, რადგან ის უკრაინის მოქალაქეა. დღეს საგარეო საქმეთა სამინისტროში მოვა საქართველოს საელჩოს წარმომადგენელი, რომელიც ჩვენ დავიბარეთ და მასთან ერთად განვიხილავთ ამ ყველაფერს", - განაცხადა უკრაინის საგარეო საქმეთა მინისტრმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
