აჭარის ჯანდაცვის სამინისტროს ინფორმაციით, Covid-19-ის საწინააღმდეგო ვაქცინაციის შესახებ, მორიგი საინფორმაციო შეხვედრა დღეს საწარმო ,,ნოვა“-ს თანამშრომლებთან გაიმართა.

შეხვედრას აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე მოადგილესთან, მარი ზანაქიძესთან ერთად ესწრებოდა. შეხვედრა ინტერაქტიულ ფორმატში მიმდინარეობდა და ვაქცინაციის ირგვლივ დასმულ კითხვებს პასუხობდნენ.

,,დღეს ვიმყოფებოდით საწარმო ,,ნოვა“-ში, სადაც შევხვდით ორგანიზაციის თანამშრომლებს, განსაკუთრებით მათ, ვინც არ იყვნენ ვაქცინირებულები. თანამშრომლებს ქონდათ კითხვები და მოსაზრებები, ყველა კითხვა იქნა განხილული და შეხვედრის შემდეგ, უმრავლესობა მათგანმა გადაწყვიტა ვაქცინაცია. გამსვლელი ბრიგადის საშუალებით, ადმინისტრირება მოხდა სამი სახის ვაქცინით: ფაიზერით, სინოვაკითა და სინოფარმით“ - აღნიშნა, შეხვედრის შემდგომ მარი ზანაქიძემ.

მინისტრმა საინფორმაციო შეხვედრების მნიშვნელობაზე, ვაქცინაციის აუცილებლობასა და ეპიდვითარებაზე გაამახვილა ყურადღება. მადლობა გადაუხადა საწარმოს თანამშრომლებს მაღალი სამოქალაქო პასუხისმგებლობისა და ხელმძღვანელ პირებს, ორგანიზაციის თანამშრომლებისათვის დაწესებული ვაქცინაციის წამახალისებელი აქტივობებისათვის.

დღეს, გამსვლელი ბრიგადის მიერ დამატებით, საწარმოს 22 თანამშრომელი აიცრა. ამ დროისთვის  აჭარაში სულ 197 935 დოზა ვაქცინაა ადმინისტრირებული.

ავტორი: NS (სტატია დაფინანსებულია),

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს