თბილისის მერობის კანდიდატმა კახა კალაძემ საზოგადოებას გარემოს დაცვის პოლიტიკის ფარგლებში სამომავლოდ განსახორციელებელი ძირითადი პროგრამები წარუდგინა.

როგორც მერობის კანდიდატმა განაცხადა, მისი წინასაარჩევნო სლოგანი „მეტი სიცოცხლე ყველა უბანში" სწორედ მეტ რეკრეაციულ სივრცეს და საზოგადოებისთვის შექმნილ კომფორტულ გარემოს გულისხმობს.

„რა არის მეტი სიცოცხლე?! - მეტი მწვანე სივრცე, მეტი პარკი, მეტი  სკვერი, მეტი განახლებული საზოგადოებრივი ტრანსპორტი და მეტი ხელმისაწვდომობა მასზე, მეტი ინფრასტრუქტურული პროექტი ყველა უბანში, ყველა რაიონში, ყველა ქუჩაზე, მეტი საბავშვო ბაღი იმისთვის, რომ ჩვენმა შვილებმა, მომავალმა თაობებმა შეძლონ ნორმალურ პირობებში განათლების მიღება. ჩვენ, რა თქმა უნდა, ამ ყველაფერს აუცილებლად გავაკეთებთ, აუცილებლად შევასრულებთ და ამის თქმის უფლებას მაძლევს ჩვენი გაკეთებული საქმეები ბოლო ოთხი წლის განმავლობაში, ასე რომ, მომდევნო ოთხი წელი ქალაქისთვის იქნება აღმშენებლობის და განვითარების წლები", - აღნიშნა კახა კალაძემ.

მისივე თქმით, ბოლო ოთხი წლის განმავლობაში, დედაქალაქში გარემოსდაცვითი მიმართულებით ბევრი მნიშვნელოვანი პროექტი განხორციელდა.

„ახალი პარკები, სკვერები, მათი განახლება-რეაბილიტაცია. ყველა რაიონში შეგვიძლია გავიაროთ და ვნახავთ რეაბილიტირებულ სკვერებს, რეაბილიტირებულ პარკებს, რომლებიც სავსეა ადამიანებით. ძალიან მახარებს ეს ტენდენცია და ის, რომ საპარკო კულტურა შემოვიდა დედაქალაქში. ამ რეაბილიტირებულ პარკებში ყველა ასაკის ადამიანისთვის არის განსაზღვრული შესაბამისი სივრცე, სადაც შეუძლიათ დაისვენონ, გაერთონ, ივარჯიშონ, განიტვირთონ.

რა თქმა უნდა, ეს ყველაფერი, რაც გავაკეთეთ, ძალიან კარგია, მაგრამ საზოგადოებას აინტერესებს, რას გავაკეთებთ მომდევნო 4 წლის განმავლობაში, როგორი იქნება ჩვენი ხედვა, რა კონკრეტული პროექტები განხორციელდება პარკების სკვერების, რეკრეაციული სივრცეების მიმართულებით", - განაცხადა კახა კალაძემ.

თბილისის მერობის კანდიდატმა კიდევ ერთხელ ხაზი გაუსვა, რომ გასული ოთხი წლის განმავლობაში, რეკრეაციული სივრცეების ხარჯზე მშენებლობები არ განხორციელებულა და არც მომავალში განხორციელდება.

„პირიქით, სადაც ვნახულობთ სივრცეებს რაიონებში, უბნებში, ყველგან ვცდილობთ შევქმნათ რეკრეაციული ზონები, ყველგან მოვაწესრიგოთ სკვერები და განვაახლოთ პარკები. ეს მიდგომა იქნება ჩვენი მხრიდან მომდევნო 4 წლის განმავლობაში", - აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს