თავდაცვის მინისტრი ჯუანშერ ბურჭულაძე თავდაცვის ძალების დასავლეთსარდლობის სამხედრო ბაზაზე არსებულ ინფრასტრუქტურულ პროექტებს გაეცნო.

საქართველოს თავდაცვის სამინისტროს ინფორმაციით, ქუთაისში, მე-3 ქვეითი ბრიგადის ტერიტორიაზე თავდაცვის მინისტრმა, დასავლეთის სარდალთან ერთად, უკვე დასრულებული შენობები მოინახულა და დეტალურად გაეცნო მიმდინარე ინფრასტრუქტურულ სამუშაოებს.

„სამხედრო ბაზაზე 2000 მ2-ზე ახალი სასადილო აშენდა, რომელის ფასადიც გაილესა უმაღლესი ხარისხის მასალით, გაკეთდა კონდიცირება-ვენტილაციის სისტემა, სველი წერტილები და აღიჭურვა უახლესი ინვენტარით. ტერიტორიაზე ერთი ყაზარმის სარემონტო სამუშაოებიც სრულად დასრულდა, სადაც შეიცვალა კარ-ფანჯარა, დაიგო კერამიკული ფილები, შეიცვალა სანტქენიკა, მოპირკეთდა ფასადი და მიმდინარეობს ახალი ინვენტარით აღჭურვა.

ამ ეტაპზე მე-3 ქვეითი ბრიგადის ტერიტორიაზე ორი ყაზარმის, ლაზარეთის, საკონფერენციოსა და სატრენაჟორო დარბაზის სარემონტო სამუშაოები მიმდინარეობს. წლის ბოლომდე ბაზის ტერიტორიაზე საკანალიზაციო და სანიაღვრე სისტემების განახლება იგეგმება. ასევე, დასრულდება რეკრეაციული ზონის მოწყობა, მულტიფუნქციური სტადიონის მშენებლობა, შიდა გზებისა და გარე განათების სრულირეაბილიტაცია“, – აღნიშნულია თავდაცვის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა