„ასობით ვიდეოფაილის გადამოწმება მოუხდათ ჩვენს გამომძიებლებს და დღესაც მუშაობენ ამ მიმართულებით“, - ამის შესახებ შინაგან საქმეთა მინისტრმა ვახტანგ გომელაურმა „ღამის კურიერის“ ეთერში განაცხადა.

შინაგან საქმეთა მინისტრმა აღნიშნა, რომ რამდენიმე ჟურნალისტი გამოკითხვაზე არ გამოცხადდა და მათ თხოვნით მიმართა, რომ ითანამშრომლონ გამოძიებასთან. ვახტანგ გომელაურის თქმით, უკვე დაკავებულია 27 პირი და სამართალდამცველები ამ მიმართულებით აგრძელებენ მუშაობას.

„ფარდობითობით არ უნდა შევხედოთ ამ თემას. 27 პირი დაკავებულია, თუმცა პირველად ერთი პირი იყო დაკავებული, დღეს უკვე 27 პირია დაკავებული, ხვალ რამდენი იქნება ამას ვერ ვიტყვი ზუსტად, ვმუშაობთ ამაზე. თუმცა მე მინდა ხაზი გავუსვა, აქ არიან პიროვნებები, რომლებიც, მაგალითად, ერთი ადამიანი 4 ეპიზოდში მონაწილეობდა, მეორე - 3 ეპიზოდში. ანუ, ის რომ ამოვწურეთ თემა მე მაგას არ ვამბობ. ჩვენ ვმუშაობთ და ძალიან გვიჭირს, რამდენიმე ჟურნალისტი არ მობრძანდა გამოკითხვაზე, რომ მოეწოდებინა ინფორმაცია და თქვენი ეთერიდან ვთხოვდი, იქნებ მობრძანდნენ და მოგვცენ ჩვენებები, თუ აქვთ კიდევ ვიდეოფაილები. ასობით ვიდეოფაილის გადამოწმება მოუხდათ ჩვენს გამომძიებლებს და დღესაც მუშაობენ ამ მიმართულებით და თუ აქვთ რაიმე ახალი თემები, იქნებ მოგვაწოდონ, ძალიან კარგი იქნება“, - აღნიშნა ვახტანგ გომელაურმა.

ავტორი: NS (სტატია დაფინანსებულია),

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის