„ეს არის ტრაექტორია, რომელიც გაიარა რუსეთმა“, - ამის შესახებ მოძრაობა „დროას“ ლიდერმა ელენე ხოშტარიამ ტელეკომპანია „პირველის“ ეთერში განაცხადა.

მან ასევე აღნიშნა, რომ ზიანის მასშტაბი ქვეყნის შიგნითაც და ქვეყნის გარეთაც ძალიან დიდი და გრძელვადიანია.

„ზიანის მასშტაბი ქვეყნის შიგნითაც და ქვეყნის გარეთაც ძალიან დიდი და გრძელვადიანია, მიუხედავად იმისა, რომ დღეს შეიძლება გვეჩვენებოდეს, წარსული დღეებია.

რამდენად გრძელვადიანი და რამდენად დიდი, დამოკიდებულია, მათ შორის, ჩვენზე - ამ ყველაფერს რითი ვუპასუხებთ და რამდენად შევძლებთ, რომ ეს ტრაექტორია შემოვაბრუნოთ.

ეს გზა პირდაპირ მიდის გადაჩეხვამდე, აქ ორი აზრი არ არსებობს. რეალურად, თავი რომ დავანებოთ ადამიანის უფლებების დაცვას, რაც ახალი არ არის, რომ ეს ხელისუფლება იცავს უფლებებს იმის მიხედვით, თუ ვინ მოსწონს და ვინ არ მოსწონს, თავი რომ დავანებოთ კონსტიტუციის დაცვას, რომელსაც ასევე იყენებს ისე, როგორც აწყობს, რეალურად ხელისუფლების მხრიდან მოხდა ქვეყნის დესტაბილიზაცია - აიღეს და ქვეყანას ჩაარტყეს დიდი ურო. ვინმე ერთი კონკრეტული კი არა, მთლიანად ქვეყანა წაიყვანეს დესტაბილიზაციაზე.

ეს არის გარდაუვალი ტრაექტორია, რომელიც გაიარა რუსეთმა. უცმირესობების თემით სპეკულირება და ამის გამოყენება ანტიდასავლური განწყობების გასაღვივებლად, ვითომ ტრადიციების დასაცავად, ეს არის კლასიკური დეკლარილებული რუსული სცენარი“, - განაცხადა ელენე ხოშტარიამ.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა