„პრემიერ-მინისტრის დღევანდელი განცხადება მთავრობისთვის უნდობლობის გამოცხადების საფუძველია“, - ამის შესახებ განცხადება „დემოკრატიის ინდექსი-საქართველომ“ გაავრცელა.

განცხადებაში აღნიშნულია, რომ პარლამენტმა საქართველოს მთავრობას უნდობლობა უნდა გამოუცხადოს კონსტიტუციითა და რეგლამენტით განსაზღვრული წესით.

„დემოკრატიის ინდექსი- საქართველო მიიჩნევს, რომ პრემიერ-მინისტრის დღევანდელი განცხადება მთავრობისთვის უნდობლობის გამოცხადების საფუძველია.

პრემიერ-მინისტრისა და შინაგან საქმეთა მინისტრის განცხადებებით გაწყდა ლეგიტიმური კავშირი პარლამენტის მიერ განსაზღვრულ პოლიტიკას, რომლის საფუძველზეც მათ მიენიჭათ ნდობა, და მათ ქმედებებს შორის. დაირღვა კონსტიტუციით აღიარებული ადამიანის წარუვალი ფასეულობები.

გამომდინარე აქედან,  „დემოკრატიის ინდექსი - საქართველო“ მოუწოდებს საქართველოს პარლამენტს დააყენოს პრემიერ-მინისტრ ირაკლი ღარიბაშვილის სამთავრობო გუნდის მიმართ პოლიტიკური პასუხისმგებლობის საკითხი და გამოუცხადოს უნდობლობა კონსტიტუციითა და რეგლამენტით განსაზღვრული წესით“, - ვკითხულობთ განცხადებაში.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა