2021-07-03 15:14:48, 2122 ნახვა
სამართალი
ვაქცინაციის პორტალ booking.moh.gov.ge-ზე კიბერშეტევის ფაქტზე გამოძიება ორი მუხლით დაიწყო
ვაქცინაციის პორტალ booking.moh.gov.ge-ზე კიბერშეტევის ფაქტზე შინაგან საქმეთა სამინისტრომ გამოძიება ორი მუხლით დაიწყო. აღნიშნულის შესახებ „ექსპრესნიუსს“ უწყებაში დაუდასტურეს.
შსს-ს ინფორმაციით, გამოძიება კომპიუტერული მონაცემის ანდა კომპიუტერული სისტემის უკანონოდ გამოყენებისა და ხელყოფის ფაქტზე საქართველოს სისხლის სამართლის კოდექსის 285-ე და 286-ე მუხლებით მიმდინარეობს.
ცნობისთვის, ჯანდაცვის სამინისტროს მიერ გავრცელებულ ინფორაციაში ვკითხულობთ, რომ ვაქცინაციისთვის რეგისტრაციის პორტალზე - booking.moh.gov.ge კიბერშეტევა განხორციელდა და სარეგისტრაციო პორტალზე პრობლემის აღმოსაფხვრელად სპეციალისტები მუშაობენ.
ავტორი: ექსპრესნიუსი,
epn.ge (@expressnews.ge)
