2021-06-07 15:02:54, 923 ნახვა

---

ბოლნისის მუნიციპალიტეტის საკრებულომ „ბოლნისის მუნიციპალიტეტის 2021-2023 წლების ახალგაზრდობის განვითარების სტრატეგიის" დოკუმენტი და სამოქმედო გეგმა დაამტკიცა

ბოლნისის მუნიციპალიტეტის საკრებულომ დღეს „ბოლნისის მუნიციპალიტეტის 2021-2023 წლების  ახალგაზრდობის განვითარების სტრატეგიის"  დოკუმენტი და სამოქმედო გეგმა განიხილა.

საკრებულოს სხდომაზე მოხსენებით წარდგა მერიის განათლებისა და ახალგაზრდობის საქმეთა განყოფილების უფროსი გიორგი საცკოვი, რომელმაც ახალგაზრდულ საკითხებში მერის თანაშემწე სალომე საღინაძესთან ერთად დეპუტატებს დოკუმენტი და გეგმა  გააცნო.

ახალგაზრდობის განვითარების სტრატეგიის  დოკუმენტსა და სამოქმედო გეგმას სხდომაზე მყოფმა ყველა დეპუტატმა დაუჭირა მხარი.

დოკუმენტი მიზნად ისახავს ბოლნისის მუნიციპალიტეტში მცხოვრები 14-29 წლის  ახლგაზრდებისთვის შექმნას თანაბარი, ხელმისაწვდომი გარემო, რომელიც ხელს შეუწყობს მათ წანაშე არსებული გამოწვევების, სირთულეების დაძლევას, ახალგაზრდების განვითარებასა და მათ ჩართულობას მუნიციპალიტეტის საქმიანობაში.

აღსანიშნავია, რომ დოკუმენტის დამტკიცებამდე მოეწყო მისი საჯარო განხილვაც, რომელსაც არასამთავრობო ორგანიზაციების წარმომადგენლები, ახალგაზრდები, საკრებულოს წევრები და მუნიციპალიტეტის მერიის თანამშრომლები ესწრებოდნენ.

“ბოლნისის მუნიციპალიტეტის 2021-2023 წლების  ახალგაზრდობის განვითარების სტრატეგია“ და სამოქმედო გეგმა ბოლნისის მუნიციპალიტეტის მერიისა და „ახალგაზრდობის სააგენტოს“ ურთიერთთანამშრომლობის შედეგად მომზადდა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი