2021-06-05 13:01:37, 1173 ნახვა

---

შალვა პაპუაშვილი ნინოწმინდაზე - ჩვენი ამოცანაა, განეიტრალდეს დაძაბული ფონი, რათა სოციალურმა მუშაკებმა სათანადოდ იმუშაონ

საპარლამენტო უმრავლესობის წევრები შალვა პაპუაშვილი და ბექა დავითულიანი, სოციალურ მუშაკებთან ერთად, ნინოწმინდის ბავშვთა პანსიონში იმყოფებიან.

როგოც პაპუაშვილმა პანსიონატში შესვლამდე ჟურნალისტებს განუცხადა, მათი ამოცანა დაძაბული ფონის განეიტრალება, რათა სოციალურმა მუშაკებმა სათანადოდ მუშაობა შეძლონ.

„ჩვენი ამოცანა იყო ის, რომ დაძაბულობის ფონი და სტრესული გარემო, რომელიც გუშინ ვნახეთ, რომ არსებობდა, განეიტრალებულიყო. სწორედ, იმისთვის, რომ სოციალურ მუშაკებს შესაბამისი სამუშაო გარემო ჰქონოდათ. ვფიქრობ, რომ სოციალურ მუშაკებს ეს გარემო აქვთ. გვქონდა ჩვენ შეხვედრა, მათ შორის, აღსაზრდელებიც ვნახეთ. გარკვეული სტრესული გარემო მათთვისაც არის. მათ შორის ძლიერი საზოგადოებრივი და მედიის ყურადღება, რომელსაც ისინიც გრძნობენ. მთავარია, სახელმწიფო სტრუქტურებს მიეცეს მუშაობის უფლება“, - განაცხადა შალვა პაპუაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი