დარწმუნებული ვარ, საპატრიარქოს დასამალი არაფერი აქვს, - ასე ეხმაურება პარლამენტის ვიცე-სპიკერი, არჩილ თალაკვაძე ნინოწმინდის პანსიონთან დაკავშირებით განვითარებულ მოვლენებს.

თალაკვაძე იმედოვნებს, რომ  საპატრიოარქოსთან კომუნიკაციით ამ საკითხზე შეთანხმება მოხდება და სახალხო დამცველს მონიტორინგის საშუალება მიეცემა.

„კონსტიტუციური დაცვის მექანიზმები ბავშვზე ვრცელდება ყველგან, ნებისმიერ ადგილას, სადაც არ უნდა იყოს ის. საქართველოს ყველა ბავშვი დაცულია ამ უფლებით. რაც შეეხება სახალხო დამცველს, აქვს უფლება, რომ ჩაატაროს მონიტორინგი ნებისმიერ დახურულ დაწესებულებაში სადაც განტავსებული არიან საქართველოს მოქალაქეები, მათ შორის, ბავშვები. მე დიდი იმედი მაქვს, საპატრიარქოსთან კომუნიკაციით ამ საკითხის შეთანხმება მოხდება. საქართველოს პარლამენტის ადამიანის უფლებათა კომიტეტი ჩაერთო ამ საკითხში და ვფიქრობ, პარლამენტი ხელს შეუწყობს ყველანაირად ამ საერთო ჭეშმარიტებაზე შეთანხმებას. მე მჯერა და დარწმუნებული ვარ, რომ საპატრიარქოს არაფერი აქვს დასამალი, მით უმეტეს, მაშინ, როდესაც საკითხი ეხება ბავშვებზე მზრუნველობას“, - განაცხადა არჩილ თალაკვაძემ.

ცნობისთვის, სახალხო დამცველის ინფორმაციით, ნინოწმინდის ბავშვთა პანსიონთან დაკავშირებით გამოძიება სავარაუდო გაუპატიურების ფაქტზე არის დაწყებული.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან